គាំង! បុរសម្នាក់ប្រកាសលក់ផ្ទះលើអនឡាញបន្ទាន់ តែថតរូបភាពប៉ាន់ផ្ទះចេញមក ធ្វើឱ្យគេវិលមុខខ្ញាល់

ធម្មតាប្រសិនបើយើងចង់លក់របស់ណាមួយតាមអនឡាយ យើងត្រូវថតរូបរបស់វាឱ្យបានច្បាស់ ឬក៏អាចមានការកែលម្អតិចតួចបន្ថែមទៀត ដើម្បីកាន់តែទាក់ទាញចំណាប់អារម្មណ៍អ្នកទិញនោះឯង។ ដោយឡែក មានបុរសម្នាក់នេះបានប្រកាសលក់ផ្ទះតាមអនឡាញដែរ តែមិនចាំបាច់ថតរូបច្បាស់ៗ ក៏អាចទាក់ទាញអ្នកទិញបានមិនចេះតិចដែរ។

ក្នុងនោះ កាលពីថ្ងៃទី ១៩ ខែមិថុនា​ ឆ្នាំ ២០២២ កន្លងទៅនេះ មានគណនីរបស់បុរសជនជាតិម៉ាឡេស៊ីម្នាក់ បានប្រកាសលក់ផ្ទះរបស់ខ្លួនជាបន្ទាន់ នៅតាមបណ្តាញសង្គម ព្រោះត្រូវផ្លាស់ទៅនៅ និងទៅធ្វើការនៅប្រទេសអូស្រ្តាលីនាឆាប់ៗនេះ។

យ៉ាងណាមិញ បុរសរូបនេះក៏បានភ្ជាប់មកជាមួយនឹងរូបភាពប៉ុន្មានសន្លឹករបស់ផ្ទះនេះផងដែរ តែរូបភាពទាំងនេះ បែរជាធ្វើឱ្យមហាជននៅតាមបណ្តាញសង្គមទាំងឡាយនាំគ្នាទប់សំណើចសឹងមិនជាប់ឡើយ ព្រោះរូបភាពសុទ្ធតែព្រាលមើលមិនច្បាស់ ដោយសារគេតែរត់បណ្តើរ ថត​បណ្តើរ ហាក់ដូចជាដូចជាប្រញាប់ខ្លាំងអ៊ីចឹង។ ក្រោយពីឃើញរូបភាពទាំងនេះ មហាជនហួសចិត្តខ្លាំង ហើយក៏ទើបតែដឹង និង ជឿថា បុរសម្នាក់នេះពិតជាប្រញាប់លក់បន្ទាន់ពិតប្រាកដមែន៕