ទម្លាយមូលហេតុ ដែលគ្រោះរញ្ជួយដីនៅអាហ្វហ្គានីស្ថាន បង្កឱ្យមនុស្សស្លា-ប់ច្រើនដល់ពាន់នាក់
កាលពីថ្ងៃទី ២២ ខែមិថុនា ឆ្នាំ ២០២២ កន្លងទៅ គ្រោះរញ្ជួយដីដ៏ខ្លាំងក្លាមួយកម្រិត ៦.១ រ៉ិចទ័រ បានវាយប្រហារទៅលើខេត្ត Paktika ភាគខាងកើតប្រទេសអាហ្វហ្គានីស្ថាន ដែលបណ្ដាលឱ្យមនុស្សប្រមាណ ១ ពាន់នាក់បានស្លាប់ និង ១ ៥០០ នាក់ផ្សេងទៀតរងរបួស។
ក្នុងនោះដែរ ចំពោះមូលហេតុដែលបណ្ដាលឱ្យមានមនុស្សស្លាប់ច្រើនខ្លាំងបែបនេះ គឺដោយសារតែទីតាំងចំណុចកណ្ដាលមានសភាពរាក់ពេក ហើយបូករួមទាំងពេលវេលានៃការរញ្ជួយដីចំពេលពលរដ្ឋកំពុងតែសម្រាន្តលង់លក់ផងនោះ ទើបធ្វើឱ្យមានមនុស្សស្លាប់រង្គាលបែបនេះ។
គួរឱ្យដឹងថា គ្រោះរញ្ជួយដីមួយនេះ បានវាយប្រហារតំបន់ភាគខាងកើតអាហ្វហ្គានីស្ថាននៅវេលាម៉ោងប្រមាណ ២ និង ៣០ នាទីយប់ ហើយបើតាមសម្ដីរបស់នាយកប្រតិបត្តិនៃអង្គការសប្បុរសធម៌ Qamar បានឱ្យដឹងថា ភាគច្រើននៃជនរងគ្រោះ គឺស្លាប់ទាំងកំពុងដេកលង់លង់ ដោយមានតែមនុស្សភាគតិចប៉ុណ្ណោះ អាចរួចផុតជីវិត៕
