អ្នកកំពតញញឹមបិទមាត់មិនជិត! ក្រោយអភិបាលខេត្ត ចុះផ្ទាល់ ដោះស្រាយរឿងមួយនេះជូន
កាលពីល្ងាចថ្ងៃទី ២០ ខែឧសភា ឆ្នាំ ២០២២ កន្លងទៅ មានប្រជាពលរដ្ឋខលតាមរយៈលេខទូរស័ព្ទ ទៅកាន់ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត ចំពោះករណីចាក់ដី ដាក់លូ រំលោភលើដៃព្រែកយកធ្វើជាកម្មសិទ្ធិ ធ្វើឱ្យប្រជាពលរដ្ឋជាច្រើនគ្រួសារ ពិបាកក្នុងការចេញទូកទៅនេសាទ។
ក្រោយពីបានទទួលដំណឹងនេះភ្លាម ឯកឧត្តម ម៉ៅ ធនិន ក៏បានចុះទៅដល់ទីតាំងជាក់ស្ដែង ដើម្បីសម្របសម្រួលដោះស្រាយជូនពលរដ្ឋវិញ។ ក្នុងការចុះនោះ ឯកឧត្ដម បានឱ្យអ្នកជំនាញកាយដី លូ និង បង្គន់ពីកន្លែងនោះចេញ ហើយចំពោះអ្នកចាក់លុបដៃព្រែកនោះ បានឱ្យជំនាញក៏សាងសំណុំរឿងទៅតាមនិតិវិធីច្បាប់។
ក្រោយដោះស្រាយបែបនេះ ប្រជាពលរដ្ឋដែលរស់នៅក្នុងភូមិដូនតោក សង្កាត់ត្រើយកោះ ក្រុងកំពត បានសប្បាយរីករាយជាអនេក ចំពោះចំណាត់ការភ្លាមៗ របស់ឯកឧត្ដម ម៉ៅ ធនិន៕
ប្រភព៖ រដ្ឋបាលខេត្តកំពត
