កូវីដមិនទាន់ផុតផង បណ្ដាប្រទេសអឺរ៉ុប និង អាមេរិក កំពុងផ្ទុះឆ្លងជំងឺអុដស្វា ខ្លាំង
ក្នុងរយៈពេលប៉ុន្មានសប្ដាហ៍ថ្មីៗនេះ បណ្ដាប្រទេសអឺរ៉ុបមួយចំនួនដូចជា អង់គ្លេស អ៊ីតាលី ព័រទុយហ្គាល់ អេស្ប៉ាញ និងប្រទេសផ្សេងទៀតដូចជា កាណាដា អាមេរិក កំពុងរងការផ្ទុះឆ្លងខ្លាំងនៃជំងឺអុដស្វា (Monkeypox) ខណៈប្រទេសអូស្ត្រាលី ប្រកាសរកឃើញករណីដំបូងចូលប្រទេស។
តាមនាយកដ្ឋានសុខាភិបាលប្រចាំរដ្ឋ Victoria បានឱ្យដឹងថា បុរស ក្នុងវ័យ ៣០ ឆ្នាំម្នាក់ ត្រឡប់ពីប្រទេសអង់គ្លេស មកទីក្រុង Melbourne បានរកឃើញឆ្លងជំងឺអុដស្វា ខណៈករណីសង្ស័យមួយទៀត រកឃើញក្នុងក្រុងស៊ីដនី លើបុរសវ័យ ៤០ ឆ្នាំ ដែលធ្វើដំណើរត្រឡប់ពីអឺរ៉ុប។
ជំងឺអុដស្វា (Monkeypox) ដែលភាគច្រើនកើតមាននៅអាហ្វ្រិកខាងលិច និង អាហ្វ្រិកកណ្ដាល គឺជាវីរុសដ៏កម្រមួយ មានសភាពស្រដៀងគ្នា ទៅនឹងជំងឺអុដស្វាយដែរ គ្រាន់តែវាស្រាលជាងជំងឺអុដស្វាយ។ អាការនៃវីរុសមួយនេះ រួមមានគ្រុនក្ដៅ ឈឺក្បាល និងមានអុចៗកន្ទួលលើស្បែក ចេញដំបូងនៅលើមុខ រួចបន្តរាលដាលពាសពេញខ្លួន។ ជំងឺនេះ គឺឆ្លងងាយបំផុត តាមការប៉ះពាល់គ្នាផ្ទាល់ជាមួយអ្នកជំងឺ៕