ថ្មីចែស! ប្ដឹងកូនបង្កើតទារលុយជិត ៦៥ ម៉ឺនដុល្លារ ប្រសិនបើមិនមានកូនក្នុងរយៈពេលមួយឆ្នាំ
ប្ដីប្រពន្ធមូយគូនៅរដ្ឋ Uttarakhand ប្រទេសឥណ្ឌា បានធ្វើការដាក់ពាក្យប្ដឹងកូនប្រុសតែមួយគត់របស់ខ្លួនឯង និងប្រពន្ធរបស់គេ ដែលរៀបការអស់រយៈពេល ៦ ឆ្នាំហើយ បែរជាមិនមានចៅឱ្យពួកគាត់។
Sanjeev និង Sadhana Prasad បាននិយាយថា ពួកគាត់ បានចំណាយលុយសន្សំ ដើម្បីចិញ្ចឹមកូន បង់ថ្លៃកូនហ្វឹកហាត់រៀនបើកយន្តហោះ ក៏ដូចជាថ្លៃរៀបការរបស់គេ។ ដោយការក្នក់ចិត្តមិនទាន់បានចៅពដូចគេ ប្ដីប្រពន្ធទាំង ២ រូបនេះ ក៏បានធ្វើការដាក់ពាក្យប្ដឹងកូនប្រុស និង កូនប្រសារស្រី ទាមទារសំណងជំងឺចិត្តជាទឹកប្រាក់ជិត ៦៥ ម៉ឺនដុល្លារ ប្រសិនបើមិនមានចៅឱ្យពួកគាត់ក្នុងរយៈពេលមួយឆ្នាំ។
ពាក្យបណ្ដឹងរបស់ប្ដីប្រពន្ធមួយគូនេះ នឹងត្រូវតុលាការបើកសវនាការនៅថ្ងៃទី ១៧ ខែឧសភា ឆ្នាំ ២០២២ ខាងមុខនេះ។ ចំពោះខាងកូនប្រុស និង កូនប្រសារស្រីរបស់ពួកគេវិញ បច្ចុប្បន្នមិនទាន់មានការឆ្លើយតបអ្វីនោះឡើយ៕
ប្រភព៖ BBC