(វីដេអូ) ទាំងថ្ងៃ! រថភ្លើង ២ គ្រឿង បោះពួយបុកគ្នាលាន់ផាំង ផ្អើលអ្នកស្រុករត់មើលប្រសាច
នៅរសៀលថ្ងៃទី ២៥ ខែមករា ឆ្នាំ ២០២២ នេះ មានករណីរថភ្លើង ២ គ្រឿង បានបើកបុកគ្នា នៅចំណុចកើតហេតុភូមិរ៉ា ភូមិ ៣ សង្កាត់ ៣ ខណ្ឌមិត្តភាព ក្រុងព្រះសីហនុ បង្ករជាការភ្ញាក់ផ្អើល ខណៈក្នុងហេតុការណ៍នេះ បានធ្វើឱ្យរថភ្លើងទាំង ២ ខ្សែ មានការខូចខាត និង ធ្លាក់ចេញពីផ្លូវដែកតែម្ដង។
ទាក់ទិនទៅនឹងរឿងរ៉ាវខាងលើ បើតាមការបញ្ជាក់ពីប្រភពព័ត៌មានដែលទទួលបាន បានឱ្យដឹងថា ចំពោះការបុកនេះ គឺមានរថភ្លើងមួយគ្រឿង មានគោលដៅចេញពីកំពង់សោម ទៅរាជធានីភ្នំពេញ បានបើកទៅបុកជាមួយរថភ្លើងមួយខ្សែទៀត ដែលមានគោលដៅ ចេញពីភ្នំពេញ មកកំពង់សោម ដែលករណីកើតហេតុនេះ មិនបណ្ដាលឱ្យគ្រោះថ្នាក់ដល់ប្រជាជននោះទេ។
បើតាមការបញ្ជាក់ពីប្រភពដដែល បានឱ្យដឹងទៀតថា ពេលរថភ្លើងទាំងពីមកដល់ចំណុចកើតហេតុ រថភ្លើងទាំងពីរខ្សែ បានបុកគ្នាចំពីមុខពេញទំហឹងតែម្ដង បណ្ដាលឱ្យភាគីខាងរថភ្លើង ដែលមានគោលដៅចេញពីកំពង់សោម ទៅភ្នំពេញ រងរបួសបែកក្បាល ខណៈដែលក្រៅពីនេះ គឺពុំមានអ្នករបួសនោះឡើយ ដោយសារតែរថភ្លើង មិនមានផ្ទុកមនុស្ស ឬ អ្នកដំណើរនោះទេ៕
ដើម្បីជ្រាបកាន់តែច្បាស់ សូមទស្សនាវីដេអូនៅខាងក្រោម ៖