មោទកភាពណាស់! ៥ ខេត្ត-ក្រុងនេះ មានបេក្ខជនជាប់និទ្ទេស A ច្រើនជាងគេ លើកមុខមាត់ទឹកដីកំណើត

ក្រសួងអប់រំ យុវជន និង កីឡា នៅរសៀលថ្ងៃទី ១៤ ខែមករា ឆ្នាំ ២០២២ នេះ បានចេញសេចក្ដីប្រកាសព័ត៌មាន ស្តីពីលទ្ធផលនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ២៧ ធ្នូ ២០២១ ដែលមានមណ្ឌលប្រឡងនៅគ្រប់រាជធានី-ខេត្ត សរុប ២០៤ មណ្ឌល បន្ទប់ប្រឡង ៤ ៦១៥ បន្ទប់ និង បេក្ខជនចុះឈ្មោះក្នុងបញ្ជីសរុប ១១៤ ១៨៧ នាក់។

ទន្ទឹមនឹងនោះក្រសួងអប់រំ ក៏បានប្រកាសបញ្ជាក់ឱ្យបានដឹងថា បេក្ខជនគ្រប់រាជធានី-ខេត្ត គឺទទួលបាននិទ្ទេស A សរុបចំនួន ១ ៧៥៣ នាក់ ដែលក្នុងនោះ មានបេក្ខជនមកពីរាជធានី-ខេត្ត ចំនួន ០៥ មានអ្នកជាប់និទ្ទេស A ច្រើនជាងគេ ដែលមានដូចជា ៖

១. រាជធានីភ្នំពេញ មានអ្នកជាប់និទ្ទេស A សរុប ៥៦៥ នាក់

២. ខេត្តសៀមរាប មានអ្នកជាប់និទ្ទេស A សរុប ១៥៣ នាក់

៣. ខេត្តកណ្តាល មានអ្នកជាប់និទ្ទេស A សរុប ១២៧ នាក់

៤. ខេត្តបាត់ដំបង មានអ្នកជាប់និទ្ទេស A សរុប ១២៣ នាក់

៥. និង ខេត្តកំពង់ចាម មានអ្នកជាប់និទ្ទេស A សរុប ១១៨ នាក់។

ដោយឡែកចំពោះខេត្តផ្សេងៗ មានចំនួនបេក្ខជនជាប់និទ្ទេស A សរុប ដូចជា ខេត្តបន្ទាយមានជ័យ ៩៩ នាក់, តាកែវ ៩៩ នាក់, ព្រៃវែង ៨៧ នាក់, កំពត ៧៥ នាក់, ត្បូងឃ្មុំ ៥៤ នាក់, ក្រចេះ ៤៥ នាក់, កំពង់ធំ ៤១ នាក់, កំពង់ស្ពឺ ៣៣ នាក់, ពោធិ៍សាត់ ២៨ នាក់, ស្វាយរៀង ២៦ នាក់, កំពង់ឆ្នាំង ២២ នាក់, ព្រះសីហនុ ២០ នាក់, រតនគិរី ០៩ នាក់, ស្ទឹងត្រែង ០៦ នាក់, ប៉ៃលិន ០៦ នាក់, ឧត្តរមានជ័យ ០៥ នាក់, កោះកុង ០៤ នាក់, ព្រះវិហារ ០៤ នាក់, កែប ០៣ នាក់, និង ខេត្តមណ្ឌលគិរី ០១ នាក់៕

សូមអានសេចក្ដីលម្អិតនៅខាងក្រោម ៖