បើទៅសៀមរាបត្រូវម៉ាច់! ផ្ទះស្នាក់ថ្មីមួយ មានទេសភាពស្រស់ត្រកាល ស័ក្តិសមសម្រាប់អ្នកស្រឡាញ់ធម្មជាតិ
ទឹកដីខេត្តសៀមរាប មិនត្រឹមតែជាទីស្ថានសម្បូរទៅដោយប្រាង្គប្រាសាទនោះទេ ថែមទាំងសម្បូរទៅដោយ កន្លែងកម្សាន្តបែបធម្មជាតិជាច្រើនទៀតផង ដែលទើបតែបង្កើតថ្មីៗ ដែលក្នុងនោះមានទាំងតំបន់លម្ហែបែបមាត់ទឹក វាលស្រែ និងភូមិឋានស្នាក់នៅតាមបែបចម្ការទៀតផង។
ថ្ងៃនេះផងដែរ «ប្រជាប្រិយ» សូមណែនាំកន្លែងស្នាក់នៅ បែបលម្ហែមួយកន្លែង ក្នុងភូមិសាស្ត្រខេត្តសៀមរាប ដែលនៅទីនោះមានឈ្មោះថា «ផ្ទះស្នាក់ហៃវិន»។
ស្ថិតនៅក្នុងឃុំឃុនរាម ស្រុកបន្ទាយស្រី ខេត្តសៀមរាប «ផ្ទះស្នាក់ហៃវិន» គឺជាកន្លែងស្នាក់នៅលម្ហែមួយកន្លែង ប្រកបទៅដោយបរិយាកាសបែបធម្មជាតិ មានទីធ្លាធំទូលាយ អមដោយព្រៃព្រឹក្សាបៃតងព័ទ្ធជុំវិញ លាយឡំជំនោរបក់មកពីជើងភ្នំ ញ៉ាំងឱ្យបរិយាកាសនៅទីនោះ មានលក្ខណៈស្រស់ស្រាយ គួរជាទីមនោរម្យក្រៃលែង។
មិនតែប៉ុណ្ណោះ ផ្ទះស្នាក់ដែលទើបតែលេចរូបរាងនេះ មានភ្នំបៃតងព័ទ្ធជុំវិញ ដែលអាចឱ្យភ្ញៀវដែលមកស្នាក់នៅ ទទួលបាននូវអារម្មណ៍ស្រស់ស្រាយ ក្រោយភ្ញាក់ពីដំណេក បានឃើញ ទេសភាពភ្នំនៅជុំវិញខ្លួន ថែមទាំងមានម៉ូតូសម្រាប់ជិះកម្សាន្តក្នុងបរិវេណស្នាក់នៅទៀតផង ស័ក្តិសមបំផុត សម្រាប់ប្រិយមិត្តដែលស្រឡាញ់ និង ចូលចិត្តសម្រស់ធម្មជាតិ៕
រូបភាពដោយ ៖ ទៅលេងបន្ទាយស្រី