ការសិក្សាថ្មី! អ្នកចូលចិត្តប្ដូរ Profile FB ញឹកញាប់ ជាមនុស្សឈ្លក់វង្វេងនឹងខ្លួនឯង
ជាទូទៅ នៅក្នុងបណ្ដាញសង្គមហ្វេសប៊ុក គេតែងសង្កេតឃើញអ្នកប្រើប្រាស់មួយចំនួនតូច តែងនិយមប្ដូរប្រូហ្វាល់ហ្វេសប៊ុករបស់ខ្លួនញឹកញាប់ ជាងអ្នកប្រើប្រាស់ធម្មតា ខណៈដែលការប្ដូររូបភាពប្រូហ្វាល់ញឹកញាប់នេះទៀតសោត ត្រូវបានអ្នកស្រាវជ្រាវដឹងថា គេគឺជាមនុស្សមានលក្ខណៈសម្បត្តិបែបនេះ ៖
១. ជាមនុស្សដែលចង់បានការចាប់អារម្មណ៍
ជាទូទៅ នៅពេលដែលគេផ្លាស់ប្ដូររូបភាព នៅលើប្រូហ្វាល់របស់ខ្លួន នឹងត្រូវបានអ្នកដទៃនាំគ្នាយកចិត្តទុកដាក់ចំពោះរូបភាពខ្លួនដែលបានផ្លាស់ប្ដូរ។ ដូច្នេះហើយ ទើបគេតែងផ្លាស់ប្ដូរវាញឹកញាប់ ដើម្បីដណ្ដើមការចាប់អារម្មណ៍ពីអ្នកដទៃ។
២. គេអាចជាប្រភេទមនុស្ស ដែលឈ្លក់វង្វេងនឹងខ្លួនឯង
ជាការពិតណាស់ អ្នកដែលតែប្ដូររូបប្រូហ្វាល់ញឹកញាប់ អាចជាបុគ្គលដែលគិតតែពីខ្លួនឯង ឬ អាចនិយាយបានថា ជាប្រភេទមនុស្សដែលឈ្លក់វង្វងនឹងខ្លួនឯង ព្រោះគេយល់ឃើញថា គ្រប់រូបភាពដែលខ្លួនមានគឺសុទ្ធតែស្រស់ស្អាតសមរម្យ ដូច្នេះហើយទើបគេតែងប្ដូរវាជាញឹកញាប់។
៣. ជាមនុស្សដែលពិបាកក្នុងការសម្រេចចិត្ត
ជាការពិតណាស់ គេតែងជាមនុស្សដែលពុំមានប្រសិទ្ធភាពក្នុងការសម្រេចចិត្តឡើយ ដែលតែងតែមិនពេញចិត្ត នូវជម្រើសដែលគេបានជ្រើសរើសហើយ។ ដូច្នេះហើយ ទើបគេតែងផ្លាស់ប្ដូររូបភាព ប្រូហ្វាល់របស់គេញឹកញាប់ និង បន្តផ្លាស់ប្ដូរជាហូរហែទៅមុខទៀត ដោយសារតែមូលហេតុបែបនេះ។
៤. ជាមនុស្សដែលមានបុគ្គលិកលក្ខណៈមិនច្បាស់លាស់
ជាការពិតណាស់ គេតែងជាមនុស្សដែលមានបញ្ហាឆាប់ធុញទ្រាន់នឹងលំនាំ និង ទម្លាប់ដែលខ្លួនមាន ហើយតែងតែទន្ទឹងរង់ចាំធ្វើអ្វីដែលថ្មីនៅក្នុងជីវិតរបស់គេ។ ដូច្នេះហើយ មនុស្សប្រភេទនេះតែងតែផ្លាស់ប្ដូររូបភាពនៅលើប្រូហ្វាល់របស់គេម្ដងហើយម្ដងទៀត ជាហូរហែផងដែរ៕
ប្រភព ៖ Speeli.com