ទៀតហើយ! សិស្សវាយគ្នា ករណីនេះធ្ងន់ជាងករណីក្រុមក្មេងស្រីមុនៗ ដល់ថ្នាក់ជនរងគ្រោះស្លាប់
នៅថ្ងៃទី ១៨ ខែមករា ឆ្នាំ ២០២០ នេះ កើតមានករណីថ្មីមួយទៀតទាក់ទងនឹងសិស្សសាលាវាយតប់គ្នា តែករណីលើកនេះធ្ងន់ធ្ងរខ្លាំងព្រោះបណ្តាលឱ្យភាគីម្ខាងរងគ្រោះដល់ស្លាប់ ។
បើយោងតាមអធិការដ្ឋាននគរបាលខណ្ឌបឹងកេងកង បានឱ្យដឹងថា ករណីសិស្ស និង សិស្សវៃគ្នាបណ្តាលឱ្យជនរងគ្រោះស្លាប់ ដែលករណីនេះបានកើតហេតុនៅផ្លូវ ៤០២ ក្រុម ១១ ភូមិ ២ សង្កាត់ទំនប់ទឹក ខណ្ឌបឹងកេងកង កាលពីវេលាម៉ោង ១៦.៤០ នាទី ថ្ងៃទី១៨ ខែមករា ឆ្នាំ ២០២០ នៅចំណុចផ្លូវ ១៨៧ ជាប់របងសាលាAIS សង្កាត់ទំនប់ទឹក ។
ជនសង្ស័យឈ្មោះនី លីស៊ាង ភេទប្រុស (ឃាត់ខ្លួនបាន) ជនជាតិខ្មែរ ជាសិស្សសាលាAis អន្ដរទ្វីបអាមេរិកាំង ស្នាក់នៅផ្ទះលេខ៣A ផ្លូវ១២BT សង្កាត់បឹងទំពន់ទី១ ខណ្ឌមានជ័យ ។
ជនរងគ្រោះ សំ សន្ធិវង្ស ភេទប្រុស ជនជាតិខ្មែរ ជាសិស្សសាលាអន្តរទ្វីបអាមេរិកាំងAIs ស្នាក់នៅផ្ទះលេខ៤៣០ ផ្លវ២៤BT ភូមិត្នោតជ្រំ សង្កាត់បឹងទំពន់ ខណ្ឌមានជយ័។
ដំណេីររឿង មុនកេីតកាលពីថ្ងៃទី១៨ ខែមករា ឆ្នាំ២០២០ វេលាម៉ោងជនរងគ្រោះរួមជាមួយមិត្តភក្រ្ដ័បានជិះម៉ូតូចេញពីសាលាអន្ដរទ្វីបអាមេរិចកាំង ទៅជួបជាមួយជនសង្ស័យនៅផ្លូវ៤០២ សង្កាត់ទំនប់ទឹក ខណ្ឌបឹងកេងកង ដោយបានណាត់គ្នាវ៉ៃគ្នាជាមួយជនសង្ស័យ (មានទំនាស់នឹងគ្នារឿងហៅអា) បន្ទាប់ពីជួបគ្នាជាជនសង្ស័យក៏បានវាយគ្នាតែម្ដង ខណ:នោះជនរងគ្រោះក៏បានដួល ជនសង្ស័យឃេីញដូចនេះក៏បានជិះម៉ូតូម៉ាកToday គេចខ្លួនតែម្ដង បន្ទាប់មកជនរងគ្រោះត្រូវបានមិត្តភក្រ្ដ័បញជូនទៅមន្ទីរពេទ្យមិត្តភាព ខ្មែរ-សូវៀត ប៉ុន្ដែត្រូវបានគ្រូពេទ្យប្រាប់ថាបានស្លាប់បាត់ហេីយ ៕
ដកស្រង់អត្ថបទ ៖ ស្នងការដ្ឋាននគរបាលរាជធានីភ្នំពេញ