Connect with us

ម៉ាក់​ម៉ាក់

ក្មេងៗចេះតែផ្តាសាយញឹកញាប់ អាចមកពីកង្វះវីតាមីនមួយប្រភេទនេះ !

on

Advertisement

យោងទៅតាម​ការសិក្សា​មួយ​ដែល​ចុះផ្សាយ​ក្នុង​សារព័ត៌មាន British Medical Journal កាលពី​ឆ្នាំ ២០១៧ បាន​និយាយថា ប្រហែលជា​វីតាមីន​ដែល​ទិញ​មិនបាច់​មាន​វេជ្ជបញ្ជា អាចជួយ​ការពារ​ជំងឺ​ផ្តាសាយ និង​ការបង្ក​រោគ​នៅ​ផ្លូវដង្ហើម​មនុស្ស​យើង​ក្នុង​រដូវ​មាន​ជំងឺ​នេះ​បាន​។ ហើយ​បើ​យើង​និយាយ​ផ្ទុយ​ពី​ជំនឿ​ដ៏​ញឹកញាប់​នោះ​គឺថា វីតាមីន C គឺ​មិនមាន​ជួយ​អ្វី​បានទេ (​ថ្វីបើ​ការ​លេបថ្នាំ​វីតាមីន​នេះ​មិន​បង្ក​ទុក្ខទោស​អ្វី​ក៏ដោយ​)​។

​អ្នកស្រាវជ្រាវ​បាន​ពិនិត្យ​ទៅលើ​មនុស្ស​ប្រមាណ ១១០០០​នាក់ ដែល​មកពី​ប្រទេស​ប្រមាណ ១៤​ខុសៗ​គ្នា ហើយ​បាន​រកឃើញថា ការបង្កើន​ចំនួន​វីតាមីន D ក្នុង​ខ្លួន អាចជួយ​បន្ថយ​ការកើត​ជំងឺ​ផ្តាសាយ​បាន ១២​ភាគរយ​។ អ្នកដឹកនាំ​ការសិក្សា​នេះ​ក៏បាន​បន្ថែមទៀតថា អ្នក​ដែល​កង្វះ​វីតាមីន D ក្នុង​ខ្លួន​ទំនងជា​ងាយ​នឹងមាន​ជំងឺ​នៅ​ផ្លូវដង្ហើម​ច្រើន​ប្រភេទ​ណាស់​ចាប់ពី ការបង្ក​រោគ​នៅ​ត្រចៀក រលាក​ទងសួត និង​រលាក​សួត​ជាដើម​។

​យោងទៅតាម American Academy of Pediatrics បាន​ឲ្យ​ដឹងថា កុមារ​ភាគច្រើន​ត្រូវការ​ថ្នាំ​បំប៉ន​វីតាមីន D ដោយសារតែ​ពួកគេ​ទំនងជា​មិន​ទទួលបាន​ជីវជាតិ​ដ៏​សំខាន់​នេះ​គ្រប់គ្រាន់​ពី​អាហារ ឬ​ព្រះអាទិត្យ​ទេ ជាពិសេស​ឪពុកម្តាយ​សម័យ​ទំនើប​ដែល​ខ្លាច​កូន​ប៉ះពាល់​នឹង​ពន្លឺព្រះអាទិត្យ​ច្រើនពេក​តែម្តង​។

​សម្រាប់​ទារក​បៅដោះ​ម្តាយ និង​បៅ​ទឹកដោះគោ គឺ​តម្រូវ​ឲ្យ​ទទួលបាន​វីតាមីន D ៤០០IU ក្នុង​មួយថ្ងៃ​។ តម្រូវការ​សម្រាប់​ក្មេង​ធំៗ​ក៏​ដូចគ្នា​ដែរ​បើសិនជា​គេ​មិនបាន​ញ៉ាំ​ទឹកដោះគោ​កៃ​ឆ្នៃ ៩៤៦​មី​លី​លីត្រ​ក្នុង​មួយថ្ងៃ​ទេ​។ សម្រាប់​យុវវ័យ​ត្រូវការ ៦០០IU ពី​អាហារ ឬ​ថ្នាំ​បំប៉ន ក្នុង​មួយថ្ងៃ​។

​ជាមួយគ្នានេះដែរ ស្ត្រី​មាន​ផ្ទៃពោះ​គួរតែ​ពិចារណា​ទៅលើ​ការប្រើប្រាស់​ថ្នាំ​បំប៉ន​វីតាមីន D ជាពិសេស​ចាប់តាំងពី​ប្រព័ន្ធ​ភាពស៊ាំ​របស់​ពួកគេ​មិនទាន់​ធ្វើការ​ល្អ​ស្រាប់​ផង​។ វា​ក៏​ប្រហែលជា​អាច​ផ្តល់​ជា​ប្រយោជន៍​ផ្សេងៗ​ទៀត​សម្រាប់​ការលូតលាស់​របស់​ទារ​ក​ក្នុង​ផ្ទៃ​ដែរ​៕

x

​ប្រែ​សម្រួល​៖ វេជ្ជ​. ម៉េង សុខ​សៀន​
​ប្រភព​៖ parents

ឧបត្ថម្ភដោយ ៖ UniDry

www.winsuncambodia.com

អត្ថបទដោយ​៖ Chan Tha

អត្ថបទពេញនិយម

តារាប្រុសថៃល្បី ១២ រូប ដែលមានខ្សែភ្នែក និង ស្នាមញញឹមស្រទន់ទាក់ចិត្តអ្នកគាំទ្រ !
វ័យជ្រេ និង កំពុងពពោះដូចគ្នា តែកុំមើលសម្រស់តារាល្បីខ្មែរ-ថៃ ២ រូបនេះ គ្មានទាស់ឡើយ !
កក់ក្ដៅបំផុត! រដ្ឋមន្ត្រី ហង់ជួន ណារ៉ុន ចុះពិនិត្យសន្លឹកកិច្ចការ ជូនអ្នកធ្លាក់ទាំងអស់ ដោយផ្ទាល់
សើចចង់ជ្រុះធ្មេញ ! គ្រូចាញ់ភ្នាល់ រាំតាំងពីខ្លោងទ្វារដល់ទង់ជាតិ ព្រោះសិស្សបាន A ដល់ ៦ នាក់

មតិរបស់អ្នក