Connect with us

ម៉ាក់​ម៉ាក់

តាមពិតទឹកឃ្មុំមានអត្ថប្រយោជន៍ណាស់ បើស្រ្តីបានទទួលទានក្នុងពេលមានផ្ទៃពោះ !

on

Advertisement

ទឹកឃ្មុំ​គឺជា​បង្អែម​បែប​ធម្មជាតិ​ដ៏​ឆ្ងាញ់​មួយ ដែល​អាចធ្វើ​ឲ្យ​រាងកាយ​ទទួលបាន​ជាតិ​ស្ករ​ដែល​ល្អ​បែប​ធម្មជាតិ​ពិតៗ ​។ ទឹកឃ្មុំ​ត្រូវបាន​គេ​រកឃើញថា អាច​ព្យាបាល​ជំងឺ​ជាច្រើន​ចាប់ពី​ក្រពះ​មិន​កិន​អាហារ​រហូតដល់​រលាក​បំពង់ករ​ ។ យោងទៅតាម​គ្រូពេទ្យ​ជាច្រើន​បាន​ឲ្យ​ដឹងថា វា​គឺជា​អាហារ​ដែលមាន​សុវត្ថិភាព​ពិតៗ​សម្រាប់​ស្ត្រី​មាន​ផ្ទៃពោះ ​។ ពិតណាស់ វា​គួរតែ​ញ៉ាំ​ក្នុង​កម្រិត​មធ្យម​បាន​ហើយ ហើយក៏​អាច​ញ៉ាំ​ក្នុង​កម្រិត​មួយ​មាន​តុល្យភាព​ដែរ​ ។ បើសិនជា​អ្នកមាន​បញ្ហា​សុខភាព​ផ្សេងៗ​ដែល​ត្រូវ​ការបន្ថយ​ការ​ញ៉ាំ​ផ្អែម ដូច្នេះ​ទឹកឃ្មុំ​ប្រហែលជា​មិនមែនជា​ជម្រើស​ដ៏​ល្អ​បំផុត​ឡើយ ​។ ខាងក្រោម​នេះ​យើងនឹង​បង្ហាញ​អំពី​អត្ថប្រយោជន៍​ចំពោះ​សុខភាព​នៃ​ការ​ញ៉ាំ​ទឹកឃ្មុំ​ក្នុងពេល​មាន​ផ្ទៃពោះ ​៖

​បន្ថយ​ការ​ក្អក​
​តើ​អ្នក​កំពុង​តែមាន​ជំងឺ​ផ្តាសាយ​ដែរ​ទេ ​? ក្នុងពេល​មាន​ផ្ទៃពោះ អ្នក​ប្រហែលជា​ត្រូវ​ចៀសវាង​ថ្នាំ ឬ ​ថ្នាំ​សះ​ឲ្យ​បាន​ច្រើន​បំផុត​តាមតែ​អាចធ្វើ​ទៅបាន​ ​។ យ៉ាងណាមិញ ទឹកឃ្មុំ​ត្រូវបាន​គេ​រកឃើញថា ជួយ​ប្រឆាំង​ការ​រលាក ហើយក៏​ជាការ​ព្យាបាល​ដ៏​ល្អ​បំផុត​ផងដែរ​ ។ វា​នឹង​ធ្វើការ​កាន់តែ​ល្អ​នៅពេល​ប្រើប្រាស់​ជាមួយ​ខ្ញី ឬ ​ក្រូចឆ្មា​ ។ ការ​ញ៉ាំ​ទឹក​ក្រូចឆ្មា​មួយ​កែវ ឬ​ ខ្ញី​ដែលមាន​ទឹកឃ្មុំ​ជាមួយគ្នា​ដែរនោះ នឹង​ជួយ​បំបាត់​ការឈឺ​បំពង់ករ និង ​ពង្រា​វ​ស្លេស្ម​ផង​។

បំបាត់​ការ​ក្រហាយ​ទ្រូង​
​ក្រពះ​មិន​កិន​អាហារ និង​ ការ​ក្រហាយ​ទ្រូង ​អាចធ្វើ​ឲ្យ​ការ​មាន​ផ្ទៃពោះ​ក្នុង​ត្រីមាស​ចុងក្រោយ​មិនមាន​ផាសុកភាព​ឡើយ ​។ វិធី​ព្យាបាល​ដ៏​ល្អ​មួយ​គឺញ៉ាំ​ទឹកដោះគោ​ក្តៅ​ឧណ្ហៗ​មួយ​កែវ​ដែល​លាយ​នឹង​ទឹកឃ្មុំ​មួយ​ស្លាបព្រា​បាយ​ ។

ព្យាបាល​ដំបៅ​ដែល​រលាក​បែប​ធម្មជាតិ​
​ទឹកឃ្មុំ​គឺជា​សារធាតុ​ជួយ​បំបាត់​ការឈឺចាប់​បែប​ធម្មជាតិ​មួយ​ បើសិនជា​អ្នក​លាប​វា​នៅលើ​កន្លែង​ដែល​រលាក​លើ​ស្បែក វា​អាចជួយ​បំបាត់​ការឈឺចាប់ ហើយក៏​ជំរុញ​ដល់​របួស​នោះ​កាន់តែ​ឆាប់​ជា​ផង​ ។​

​ជួយ​ប្រឆាំងនឹង​ជំងឺ​ដំបៅ​ក្រពះ និង ​បញ្ហា​ក្រពះ​ពោះវៀន​
​ទឹកឃ្មុំ​ជួយ​បង្ការ​ការលូតលាស់ និង​ កើត​បាក់តេរី Helicobacter Pylori ក្នុង​ក្រពះ​បាន​ ។ បាក់តេរី​នេះ​មាន​នាទី​ធ្វើ​ឲ្យ​កើតជា​ដំបៅ​ក្រពះ តែ​ការ​ញ៉ាំ​ទឹកឃ្មុំ​អាច​បន្ថយ​ការកើត​បាក់តេរី​នេះ​បាន​ ។ ទឹកឃ្មុំ​ក៏​អាច​ញ៉ាំ​ជាមួយ​ទឹកបាន​ដែរ ដើម្បី​បង្គ្រប់​ជាតិ​ទឹក​ក្នុង​ខ្លួន​ ។ វា​អាចជួយ​ឲ្យ​ការខូចខាត​ដែលមាន​ក្នុង​ពោះវៀន​ជា​ល្អ​វិញ​ដែរ​ ។

​ផ្តល់​ជា​អង់​ទី​អុកស៊ីដ​ង់​
​ទឹកឃ្មុំ​សម្បូរ​ទៅដោយ​អង់​ទី​អុកស៊ីដ​ង់ ​ព្រមទាំង Flavonoids​ ។ ការស្រាវជ្រាវ​បាន​រកឃើញថា ទឹកឃ្មុំ​អាចជួយ​បង្កើន​ចំនួន​អង់​ទី​អុកស៊ីដ​ង់ក្នុងការ​ការពារ​រាងកាយ​ពី​សម្ពាធ​អុកស៊ីត​កម្មបាន ​។ អង់​ទី​អុកស៊ីដ​ង់​ធម្មជាតិ​នេះ​អាច​ពង្រឹង​ដល់​ភាព​សុខ​ស្រួល និង​ ជួយ​ឲ្យ​ទារក​លូតលាស់​ល្អ​ផង ​។

​សុវត្ថិភាព​ក្នុងការ​ញ៉ាំ​ទឹកឃ្មុំ​ពេល​មាន​ផ្ទៃពោះ​
​បើសិនជា​អ្នកសម្រេចចិត្ត​ញ៉ាំ​ទឹកឃ្មុំ​ក្នុងពេល​មាន​ផ្ទៃពោះ ចូរ​ធ្វើយ៉ាងណា​ទិញ​ទឹកឃ្មុំ​ដែលមាន​ស្លាក​យីហោ​ដែលមាន​គុណភាព ឬ​ ត្រឹមត្រូវ​ទើប​មាន​សុវត្ថិភាព​ ។ ចូរ​យកចិត្តទុកដាក់​ទៅលើ​ចំនួន​ដែល​អ្នកនឹង​ញ៉ាំ​ផង​ និង ចូរ​ចាំ​ថា ការ​ញ៉ាំ​ទឹកឃ្មុំ​មួយ​ស្លាបព្រា​បាយ​មាន​ជាតិ Fructose ប្រហែល ៨.៦​ ក្រាម​ ។ អង្គការ​សុខភាព​ពិភពលោក​បាន​ណែនាំ​ថា ចូរ​ធ្វើយ៉ាងណា​ញ៉ាំ​ជាតិ​ស្ករ​ប្រភេទ​នេះ​មិន​ឲ្យ​លើសពី ២៥ ​ក្រាម​ក្នុង​មួយថ្ងៃ​ឡើយ​ ៕

​ប្រែ​សម្រួល​៖ វេជ្ជ​. ម៉េង សុខ​សៀន​
​ប្រភព​៖ curejoy

ឧបត្ថម្ភដោយ ៖ UniDry

www.winsuncambodia.com

អត្ថបទដោយ​៖ Chan Tha

អត្ថបទពេញនិយម

កែវ នីសា អាយុក្បែរ ៤០ ឆ្នាំហើយ តែសម្រស់នៅខ្ញង់គ្មានទាស់
តែមួយប៉ព្រិចភ្នែក តារាចម្រៀងវ័យក្មេងទាំងនេះ ធំពេញរូបពេញរាង ម្នាក់ៗស្អាតឡើងខ្ញង់
វត្តឈើខ្មៅ នៅបាត់ដំបងមានអាយុកាល ១៣៣ ឆ្នាំ ផុសឡើងកណ្ដាលបឹងទន្លេសាប ស្អាតក្រៃលែង
ចង់ដើរលេងគួរពន្យាសិនទៅ! ចាប់ពីស្អែកនេះកម្ពុជានឹងមានភ្លៀង ផ្គរ រន្ទះ ទូទាំងប្រទេស

មតិរបស់អ្នក