Connect with us

ម៉ាក់​ម៉ាក់

មានសុវត្ថិភាពអត់ បើស្រ្តីមានផ្ទៃពោះញ៉ាំប៉េងប៉ោះ?

on

Advertisement

ការ​មាន​ផ្ទៃពោះ​គឺជា​ពេលវេលា​ដែល​គួរ​ឱ្យ​ភ្ញាក់ផ្អើល និង ​ស្ត្រេ​ស​ខ្លាំង ហើយក៏​ជា​ពេលវេលា​ដែល​អ្នក​ត្រូវ​ប្រុងប្រយ័ត្ន​បំផុត​ដែរ​ក្នុងការ​ញ៉ាំ​អាហារ​ ។ ប៉េងប៉ោះ​គឺជា​អាហារ​មាន​ជាតិ​អាស៊ីត​ពី​ធម្មជាតិ ហើយ​ស្ត្រី​មាន​ផ្ទៃពោះ​ដែលមាន​បញ្ហា​ក្រពះ​ពោះវៀន​ដូចជា ច្រាល​ទឹក​អាស៊ីត ឬ​ ចង្អោ ប្រហែលជា​ត្រូវ​ចៀសវាង​ការ​ញ៉ាំ​ប៉េងប៉ោះ​ហើយ​ ប៉ុន្តែ​ការ​ញ៉ាំ​ប៉េងប៉ោះ​ក្នុង​កម្រិត​មធ្យម​ពិតជា​ផ្តល់​សុវត្ថិភាព​ទាំង​ម្តាយ និង ​កូន ដោយសារតែ​ជីវជាតិ​ជាច្រើន​របស់​វា​ដូចជា​ ៖

​មាន​វីតាមីន C
​ក្នុងពេល​មាន​ផ្ទៃពោះ ស្ត្រី​មាន​ផ្ទៃពោះ​តម្រូវ​ឱ្យញ៉ាំ​វីតាមីន C ពី ៧៥ ទៅ​ ៨៥ ​មី​លី​ក្រាម​ ជា​រៀងរាល់ថ្ងៃ ​។ ប៉េងប៉ោះ​ជា​ប្រភព​ដ៏​ល្អ​មួយ​នៃ​វីតាមីន C នេះ​។ ដោយសារតែ​រាងកាយ​មិនអាច​រក្សា​វា​ទុក​បាន ដូច្នេះ​អ្នក​ត្រូវតែ​ញ៉ាំ​វីតាមីន C ជា​រៀងរាល់ថ្ងៃ​ ។ វីតាមីន C មាន​ប្រយោជន៍​សម្រាប់​ការលូតលាស់​ធម្មតា ហើយក៏​ជួយ​បង្កើន​ប្រព័ន្ធ​ភាពស៊ាំ​ថែមទៀត​ដែរ​ ។

​បង្កើន​ការ​បឺត​ស្រូប​ជាតិ​ដែក​ក្នុង​ខ្លួន​
​ចាប់តាំងពី​ស្ត្រី​មាន​ផ្ទៃពោះ​ត្រូវការ​ឈាម​កាន់តែច្រើន​មក ការដែល​ទទួលបាន​ជា​តិ​ដែក​គ្រប់គ្រាន់​គឺជា​រឿង​សំខាន់ ​។ ការ​កង្វះ​ជាតិ​ដែក​មិន​ត្រឹមតែ​បង្កើន​ការ​សម្រាលកូន​មិន​គ្រប់​ខែ​ទេ តែ​វា​ក៏​ប៉ះពាល់​ដល់​ការលូតលាស់ និង ​ធំធាត់​របស់​ទារក​ដែរ​ ។ ក្នុងពេល​មាន​ផ្ទៃពោះ រាងកាយ​ត្រូវការ​ជាតិ​ដែក​ពី ១៨ ទៅ ២៧mg ជា​រៀងរាល់ថ្ងៃ​ ។ ខណៈពេលដែល​ថ្នាំ​បំប៉ន​ក្នុងពេល​មាន​ផ្ទៃពោះ​មាន​ជាតិ​ដែក​ហើយ តែ​ប៉េងប៉ោះ​ក៏​អាចជួយ​បន្ថែមទៀត​ដែរ​ ។

មាន​សារធាតុ Carotenoids
​ក្នុងពេល​មាន​ផ្ទៃពោះ ជា​ពេលវេលា​ដែលមាន​ការកើនឡើង​អុកស៊ីតកម្ម និង ​រ៉ាឌីកាល​សេរី​ក្នុង​ខ្លួន​ម្តាយ ដែល​អាច​នាំ​ឲ្យ​មាន​ផលវិបាក​ដូចជា ជំងឺ​ទឹកនោមផ្អែម​ក្នុងពេល​មាន​ផ្ទៃពោះ ត្រៀម​ក្រឡាភ្លើង លើស​សម្ពាធ​ឈាម កូន​មិន​លូតលាស់ និង​ សម្រាលកូន​មិន​គ្រប់​ខែ​បាន​។ ប៉ុន្តែ​ប៉េងប៉ោះ​មាន​សារធាតុ Carotenoids ដូចជា Beta-carotene, Lutein និង Zeaxanthin និង Lycopen ដែល​វា​សុទ្ធសឹងតែ​ជួយ​បន្ថយ​សម្ពាធ​អុកស៊ីតកម្ម និង​ ការ​រលា​កបាន​ ។

​ជា​ប្រភព​ដ៏​ល្អ​មួយ​នៃ​វីតាមីន A
​នៅពេល​អ្នកមាន​ផ្ទៃពោះ តម្រូវការ​វីតាមីន A ប្រចាំថ្ងៃ​គឺ​ប្រែប្រួល​ពី ៧០០ mcg ទៅ ៧៧០ mcg​។ ប៉េងប៉ោះ​អាច​ផ្តល់​ចំនួន​វីតាមីន A ដល់​ស្ត្រី​មាន​ផ្ទៃពោះ​បានដែរ ដោយ​គ្រាន់តែ​ប៉េងប៉ោះ​ធំ​មួយ​ផ្លែ​មាន​វីតាមីន A ៧៦mcg ដែល​វា​ត្រូវ​គ្នា​នឹង​តម្រូវការ ១០​ភាគរយ​ប្រចាំថ្ងៃ​ទៅហើយ​។

​មាន​ប៉ូ​តា​ស្យូ​ម​ជួយ​រក្សា​សម្ពាធ​ឈាម​
​សម្រាប់​តម្រូវការ​ជាតិ​ប៉ូ​តា​ស្យូ​ម​គឺ​មិនបាន​ផ្លាស់ប្តូរ​ឡើយ​ក្នុងពេល​មាន​ផ្ទៃពោះ ប៉ុន្តែ​ជាតិ​រ៉ែ​មួយ​នេះ​នៅតែ​សំខាន់​ដដែល​។ អ្នកត្រូវការ​វា​ដើម្បី​បេះដូង​ធ្វើការ​កាន់តែ​ល្អ រក្សា​តុល្យភាព​ជាតិ​ទឹក និង​ការរំលាយ​អាហារ​។ ក្នុង​ប៉េងប៉ោះ​ដ៏​ធំ​មួយ​ផ្លែ​មាន​ប៉ូ​តា​ស្យូ​ម​ប្រហែល ៤៣១​មី​លី​ក្រាម ដែល​ស្មើនឹង​តម្រូវការ​ប្រាំ​ថ្ងៃ​ប្រហែល ៩​ភាគរយ​ដែរ​។ ប៉ូ​តា​ស្យូ​ម​នឹង​ជួយ​ថែរក្សា​សម្ពាធ​ឈាម​ឲ្យ​នៅ​ធម្មតា ចៀស​ផុតពី​ជំងឺ​ត្រៀម​ក្រឡាភ្លើង សម្រាល​មិន​គ្រប់​ខែ និង​កូន​មិន​គ្រប់​ទម្ងន់​។​

​មាន​វីតាមីន K និង Folate
​ប៉េងប៉ោះ​មាន​វីតាមីន K ត្រូវ​នឹង​តម្រូវការ​ប្រចាំថ្ងៃ​ប្រហែល ១៤​ភាគរយ និង Folate ប្រហែល ៤.៥​ភាគរយ ក្នុងពេល​មាន​ផ្ទៃពោះ​។ វីតាមីន K សំខាន់​សម្រាប់​ជួយ​ឲ្យ​ឈាមកក ខណៈពេលដែល Folate ជា​តម្រូវការ​សម្រាប់​ស្ត្រី​មាន​ផ្ទៃពោះ​ក្នុងដំណាក់កាល​ភ្លាមៗ​បំផុត ដើម្បី​ការពារ​កុំ​ឲ្យ​មាន​បញ្ហា​ខូច​អវៈយវៈ​នៅ​ខួរក្បាល ឆ្អឹងខ្នង និង​ខួរឆ្អឹងខ្នង​៕

​ប្រែ​សម្រួល​៖ វេជ្ជ​. ម៉េង សុខ​សៀន​
​ប្រភព​៖ curejoy

ឧបត្ថម្ភដោយ ៖ UniDry

www.winsuncambodia.com

អត្ថបទដោយ​៖ Chan Tha

អត្ថបទពេញនិយម

សាហាវ! លោកនាយកសាលា បោកប៉ូលិសឱ្យមុជទឹករកមាសក្នុងទន្លេ ការពិតលាក់ក្នុងផ្ទះស្រីស្នេហ៍ខ្លួនសោះ
នេះហើយមូលហេតុពិត ធ្វើឱ្យលោកចោរទៅប្លន់ហាងមាស និង សម្លាប់មនុស្សគ្មានញញើតដៃ ឡើងរាក់កំភែល!
បង្ហាញ​សម្រស់​កូនស្រី​ ​ចាន់​ ​សុ​ផា​នី​ ​តំណក់ឈាម​រួម​នឹង​ ​ហ្សូ​ណូ​ ​ពេលនេះ​ធំប៉ុន​ណាណី​បាត់​!​
ទម្លាយ​មុខមាត់​អ្នកនិពន្ធ​ ​នៅ​ពីក្រោយ​បទ​ល្បី​ៗ​ក្នុង​ផលិតកម្ម​រស្មី​ហង្ស​មាស​ ​សង្ហា​ខ្លាំង​​

មតិរបស់អ្នក