ពេជ្រ វត្តីសារ៉ាវឌ្ឍី ពោលប៉ុន្មានម៉ាត់ទៅកាន់ ចន សុទីម៉ា ក្រោយនាងប្រកួតចប់ភ្លាម
ពិតណាស់ ក្នុងថ្ងៃប្រកួតវគ្គផ្ដាច់ព្រ័ត្រនៃកម្មវិធីប្រកួតសម្រស់លំដាប់ពិភពលោក Miss Universe លើកទី ៧២ នៅថ្ងៃទី ១៩ ខែវិច្ឆិកា ឆ្នាំ ២០២៣ ដ្បិតតែបវរកញ្ញាតំណាងកម្ពុជា ចន សុទីម៉ា មិនមានឱកាសឈានចូល Top ណាមួយនៃកម្មវិធីប្រកួតដ៏អស្ចារ្យនេះមែន ប៉ុន្តែយ៉ាងណាក៏នាងបានខំប្រឹងអស់ពីសមត្ថភាពរបស់នាងហើយ និង ធ្វើបានយ៉ាងល្អក្នុងការប្រកួតនេះដែរ។
ក្នុងនោះ មហាជនអ្នកគាំទ្រជាច្រើនរបស់ ចន សុទីម៉ា ក៏ហាក់សោកស្តាយផងដែរ ដោយនាងមិនអាចឈានដល់វគ្គ Top បាន តែយ៉ាងណាក៏ដោយមហាជនអ្នកគាំទ្រក៏រំភើប និង មានមោទកភាពលើរូបនាងយ៉ាងខ្លាំង ហើយនាងពិតជាធ្វើបានល្អណាស់នៅលើឆាកដ៏ធំមួយនេះសម្រាប់កម្ពុជា ដែលទទួលបានការលើកទឹកចិត្តពីមហាជនអ្នកគាំទ្រ ក៏ដូចជាអ្នកសិល្បៈរៀមច្បងជាច្រើនផងដែរ។
យ៉ាងណាមិញ ខណៈនោះដែរ គេក៏បានឃើញបវរកញ្ញារៀមច្បងដែលស្ថិតក្នុងស្ថាប័នខុសគ្នា គឺកញ្ញា ពេជ្រ វត្តីសារ៉ាវឌ្ឍី Miss Grand Cambodia 2022 បានបង្ហោះរូបភាព និង សារប៉ុន្មានម៉ាត់ទៅកាន់ ចន សុទីម៉ា ដើម្បីលើកទឹកចិត្តនាងផងដែរ។ ក្នុងនោះ ពេជ្រ វត្តីសារ៉ាវឌ្ឍី បានសរសេរលើ Story ហ្វេសប៊ុករបស់នាងយ៉ាងខ្លីថា ៖ «You did the best Queen» ដែលមានន័យជាភាសាខ្មែរថា «អ្នកធ្វើវាបានល្អហើយ Queen»៕
