អាង សុជាតា ញញឹមយ៉ាងមានទំនុកចិត្ត ក្រោយបញ្ចប់ការប្រឡងបាក់ឌុប ២០២២

ការប្រឡងមធ្យមសិក្សាទុទិយភូមិ សម័យប្រឡង ៥ ធ្នូ ២០២២ បានបញ្ចប់ទៅយ៉ាងជោគជ័យ ហើយបើតាមការបង្ហោះនៅលើទំព័រហ្វេសប៊ុកផេកផ្លូវការរបស់ក្រសួងអប់រំ យុវជន និង កីឡា បានឱ្យដឹងថា ក្រោយបញ្ចប់ការប្រឡងចំនួន ២ ថ្ងៃ បេក្ខជននីមួយៗបានចាកចេញពីមណ្ឌលប្រឡងប្រកបដោយទឹកមុខស្រស់ស្រាយញញឹមញញែម ដែលនេះអាចបញ្ជាក់ថាធ្វើបានល្អក្នុងការប្រឡង។

យ៉ាងណាមិញ បើងាកទៅមើលតារាសម្ដែងស្រីវ័យក្មេង កញ្ញា អាង សុជាតា វិញ ក៏បានចូលរួមប្រឡងក្នុងឆ្នាំ ២០២២ នេះដែរ។ រឿងដែលមហាជនចាប់អារម្មណ៍ ក្រោយបញ្ចប់ការប្រឡងដោយជោគជ័យចំនួន ២ ថ្ងៃ ស្រាប់តែ អាង សុជាតា បានថតរូបមួយប៉ុស្ដិ៍បង្ហោះនៅលើគណនីហ្វេសប៊ុកហើយរៀបរាប់យ៉ាងខ្លីថា ៖ «Done bacll2022»។

អាង សុជាតា ចាកចេញពីមណ្ឌលប្រឡងប្រកបដោយទឹកមុខញញឹមញញែមយ៉ាងមានទំនុកចិត្ត ហើយក្នុងនោះក៏មានមហាជនអ្នកគាំទ្រជាច្រើនបានផ្ញើសារជូនពរនាងឱ្យទទួលបានភាពជោគជ័យផងដែរ៕