ពុ-ទ្ធោ! អតីតបេក្ខជន «Produce 101» តារាប្រុស Jung Joong Ji សម្រេចបញ្ចប់ជី.-.វិតខ្លួនឯងទាំងវ័យក្មេង
នៅថ្ងៃទី ២២ ខែកញ្ញា ឆ្នាំ២០២២ ទស្សនិកជនមានការភ្ញាក់ផ្អើលយ៉ាងខ្លាំង ក្រោយពី Wikitree បានរាយការណ៍ថា តារាសម្ដែង និងតារាចម្រៀងប្រុស Jung Joong Ji បានទទួលមរណភាពក្នុងអាយុ ៣០ ឆ្នាំ។
នេះបើយោងតាមក្រុមគ្រួសាររបស់តារាសម្ដែងរូបនេះ បានឱ្យដឹងថា Jung Joong Ji បានទទួលមរណភាពនៅថ្ងៃទី ៩ ខែកញ្ញា។ ៤ ថ្ងៃបន្ទាប់ពីខួបកំណើតរបស់គាត់ ហើយពិធីបុណ្យសពបានធ្វើឡើងនៅវេលាម៉ោង ១១ ព្រឹក ថ្ងៃទី ១១ ខែកញ្ញា។
ជាមួយគ្នានោះ នៅលើបណ្តាញសង្គមផ្ទាល់ម្ដាយរបស់តារាប្រុសរូបនេះ បានប្រកាសជាដំណឹងថា៖ «ខ្ញុំគឺជាម្ដាយរបស់ Jung Joong Ji។ កូនប្រុសរបស់ខ្ញុំ Joong Ji បានធ្វើអត្តឃាត។ ខ្ញុំមិនអាចបង្ហាញពីអារម្មណ៍របស់ខ្ញុំបានទេនៅពេលនេះ»។ សារមួយនេះ ក៏បានភ្ជាប់ជាមួយរូបថតម្ដាយរបស់លោក បានឈរអោនមុខឱបរូបថតរបស់លោកជាប់នឹងដៃ។
គួររំឭកផងដែរថា Jung Joong Ji លោកបានកើតក្នុងឆ្នាំ ១៩៩២។ កាលពីឆ្នាំ ២០១៧ លោកបានចូលរួមក្នុងកម្មវិធីជ្រើសរើសសមាជិកក្រុមបុរស «Produce 101» season 2 ជាសិក្ខាកាមនៃក្រុមហ៊ុនកម្សាន្ត Wayz Company។ ហើយតារាប្រុសរូបនេះ បានបញ្ចប់ក្នុងចំណាត់ថ្នាក់ទី ៦៤៕
