កម្រឃើញណាស់ Lisa និង សមាជិកក្រុម Twice ណាត់ជួបគ្នាយ៉ាងស្និទ្ធស្នាល
គេសង្កេតឃើញថា សិល្បៈករភាគច្រើន ដែលស្ថិតនៅក្រោមផលិតកម្ម YG ហាក់មិនសូវមានសកម្មភាពស្និទ្ធស្នាលណាមួយជាមួយនឹងតារានៅទ្រនំផ្សេងឡើយ ប៉ុន្តែមួយរយៈក្រោយនេះ Lisa សមាជិកក្រុមចម្រៀង BLACKPINK មើលទៅពិតជាបង្កើតភាពភ្ញាក់ផ្អើល ដោយស្និទ្ធស្នាលជាមួយតារាក្រៅផលិតកម្មជាច្រើន។
ក្នុងនោះ ភាគច្រើននាងតែងតែស្និទ្ធស្នាលខ្លាំងជាងគេជាមួយនឹងតារាស្រី Minnie មកពីក្រុមចម្រៀង G-IDLE ដែលជាជនជាតិថៃដូចគ្នា។ ក្នុងនោះ គេធ្លាប់ឃើញ Lisa ទៅចូលរួមការប្រគំតន្ដ្រីរបស់ Minnie មិនដាច់ឡើយ ហើយថែមទាំងឧស្សាហ៍បណ្តើរគ្នាចេញក្រៅទៅញ៉ាំអាហារទៀតផង។
យ៉ាងណាមិញ សកម្មភាពរបស់អ្នកទាំងពីរ ពិតជាធ្វើឱ្យមហាជនអ្នកគាំទ្រសប្បាយចិត្តណាស់ ប៉ុន្តែអ្វីដែលធ្វើឱ្យមហាជនកាន់តែរំជួលចិត្ត នោះគឺ គេឃើញទាំង Lisa និង Minnie ក៏បានបង្ហាញកាយវិការស្និទ្ធស្នាលជាមួយនឹង Jihyo និង Mina មកពីក្រុមចម្រៀង Twice ផងដែរ។
ក្នុងនោះ រូបភាពជាច្រើនសន្លឹករបស់ពួកគេត្រូវបានមហាជនអ្នកគាំទ្រចែកចាយពាសពេញបណ្តាញសង្គម ដោយបង្ហាញឱ្យឃើញតារាស្រីទាំង ៤ រូប កំពុងបញ្ចេញកាយវិការថតរូបជាមួយគ្នាយ៉ាងស្និទ្នស្នាល ព្រមជាមួយនឹងការពាក់មួកតុក្កតា មើលទៅពិតជាគួរឱ្យស្រឡាញ់មែនទែន។
លើសពីនេះទៅទៀត មើលទៅពួកគេក៏ប្រហែលជាបានប្រើប្រាស់ពេលវេលា នៅខាងក្រៅជាមួយគ្នាផ្សេងៗច្រើនទៀតផង។ យ៉ាងណាមិញ ទំនាក់ទំនង និង សកម្មភាពទាំងនេះ អាចនិយាយបានថា អ្នកគាំទ្រមិនងាយនឹងបានឃើញនោះទេ តែគេសរសើរតារាសំណព្វចិត្តរបស់ពួកគេទាំងនោះផងដែរ ដែលមានពេលឆ្លៀតរត់មករកគ្នាបែបនេះ ខណៈដែលម្នាក់ៗសុទ្ធតែរវល់ការងាររៀងៗខ្លួន៕