ចាំទេ? ជា ខេវិន មហាជនធ្លាប់ដាក់ងារជាតារាប្រុសសិ-.ចស៊ី ឥលូវកំពុងសាងជីវិតរីករាយក្នុងប្រទេសនេះ

បើរំឭកកាលពីប្រមាណ ១០ ឆ្នាំ មុន មហាជននិយមតាមដានវិស័យសិល្បៈ ច្បាស់ជាបានស្គាល់មកហើយ តារាម៉ូដែល និង តារាសម្តែង លោក ជា ខេវិន ដែលត្រូវបានមហាជដាក់ងារថា ជាតារាប្រុសសិ-ចស៊ី។

កាលនោះ លោក ជា ខេវិន ត្រូវបានគេចាំយ៉ាងច្បាស់ ក៏ព្រោះតែរូបសម្រស់មុខមាត់សង្ហា ការនិយមបង្ហាញសាច់ដុំធំៗ និង មានមុខមាត់ស្រដៀងនឹងតារារៀមច្បង លោក អេនឌី នោះឯង។

យ៉ាងណាក្រោយសាងកេរ្តិ៍ឈ្មោះក្នុងនាមជាតារាម៉ូដែល និង តារាសម្តែងអស់រយៈពេល ១០ ឆ្នាំ លោក ជា ខេវិន ក៏បានបាត់មុខល់វិថីសិល្បៈស្រុកខ្មែរ ដោយបច្ចុប្បន្នលោកកំពុងរស់នៅឯប្រទេសអូស្ត្រាលី។

ក្នុងនោះ លោក ជា ខេវិន ក៏ធ្លាប់មកលេងប្រទេសកម្ពុជា និង សាងផ្នួសសងគុណអ្នកមានគុណ កាលពីអំឡុងឆ្នាំ ២០១៨ ផងដែរ។ សព្វថ្ងៃ បើមើលទៅការរស់នៅប្រទេសអូស្ត្រាលីវិញ បើទោះជាមិនបានបន្តអាជីពសិល្បៈ តែនៅក្នុងបណ្តាញសង្គមហ្វេសប៊ុក លោកតែងបង្ហាញវត្តមានជួបជុំនឹងតារាខ្មែរជាច្រើនរស់នៅទីនោះ ក្នុងនោះរួមមានដូចជា តារាសម្តែងជើងចាស់ លោម ឧត្តម បូទី ជាដើម៕