(វីដេអូ) រំជួលចិត្ត! មុនស្ល-ា.ប់ Tangmo បានជួប និង ធ្វើរឿងនេះចុងក្រោយជាមួយ Tono អតីតស្វាមី
មកទល់ពេលនេះ ៥ ថ្ងៃទៅហើយ ដែលតារាស្រី Tangmo បានឃ្លាតឆ្ងាយចាកចោលក្រុមគ្រួសារ និង មិត្តៗជាទីស្រឡាញ់ដោយគ្មានថ្ងៃត្រឡប់ ដោយសារតែហេតុការធ្លាក់ទឹកកាលពីថ្ងៃទី ២៤ ខែកុម្ភៈ ឆ្នាំ ២០២២ កន្លងទៅនោះ។ ចំពោះហេតុការណ៍នៃការស្លាប់របស់ Tangmo ពេលនេះខាងសមត្ថកិច្ចក៏កំពុងតែស៊ើបអង្កេតយ៉ាងដុតដៃដុតជើងផងដែរ។
ដោយឡែក បើងាកមកមើលមហាជន ក៏ដូចជាមិត្តសិល្បៈរបស់នាងវិញ ពេលនេះម្នាក់ៗស្ទើរតែស្រឡាំងកាំង និង ទទួលយកពុំបានឡើយចំពោះការឃ្លាយឆ្ងាយយ៉ាងឆាប់រហ័សមួយនេះ ដោយម្នាក់ៗបង្ហាញក្តីអាណិត និង កាន់ទុក្ខនាងស្ទើរតែគ្រប់គ្នា។
ក្នុងនោះដែរ អ្វីដែលមហាជនដក់ចិត្ត និង ចង់ដឹងនោះគឺ ខណៈពេល Tangmo បានបាត់ខ្លួនរហូតរកឃើញថានាងស្លាប់ តើអតីតស្វាមីរបស់នាង គឺលោក Tono បានបារម្ភ និង មានអារម្មណ៍បែបណានោះ។ តាមពិតទៅបើតាមការទម្លាយរូបភាពកន្លងមក Tono មិនបាននៅស្ងៀមឡើយ លោកក៏បានចេញមុខតាមរក Tangmo ជាមួយសមត្ថកិច្ចដែរ។
យ៉ាងណាមិញ ក្នុងនោះ តារាសម្តែងស្រី May Pitchanart ក៏បានទម្លាយនៅក្នុងកម្មវិធីមួយថា នាងពិតជាស្រណោះចំពោះ Tangmo ណាស់ ព្រោះនាងទើបតែបានជួបគ្នាលើកចុងក្រោយនៅថ្ងៃទី ១៤ ខែកុម្ភៈ ឆ្នាំ ២០២២ កន្លងទៅដោយចៃដន្យ។ លើសពីនេះទៅទៀត May បានបន្តថា ខណៈពេលនោះ Tangmo បានស្រែកហៅនាង បន្ទាប់មកក៏រត់មករកនាង ជាពិសេសពេលនោះ លោក Tono ក៏នៅកន្លែងនោះដែរ ហើយអ្វីដែលនាងរំភើបចិត្ត គ្រានោះ Tono បានរត់មកនិយាយជាមួយ Tangmo ដែលជាអតីតភរិយាធម្មតា ហើយអ្នកទាំងពីរថែមទាំងឱបគ្នាបង្ហាញមិត្តភាពរាប់អានដល់គ្នាទៀតផង។
គួរបញ្ជាក់ផងដែរថា បើតាមការឱ្យដឹងពី May ថា នេះជារូបភាព ក៏ដូចជាកាដូចុងក្រោយ ដែលនាង និង Tono ទទួលបានពី Tangmo ជាទីស្រឡាញ់នោះ៕
ប្រភព៖ khaosod