ទម្រាំមានពន្លឺជីវិត តារាជើងចាស់ Thanongsak ធ្លាប់ជួបព្យុះភ្លៀងជីវិតផ្ទួនគ្នា ឡើងចង់បាក់ស្បាត

បើនិយាយពីតារាប្រុសជើងចាស់ លោក Thanongsak Supakarn អ្នកណាៗក៏ស្គាល់ដែរថាលោកជាតារាសម្តែងប្រុសដ៏មានទេពកោសល្យ និង មានសមត្ថភាពម្នាក់។ យ៉ាងណាមិញ មកទល់ពេលនេះលោកក៏ហាក់ឃ្លាតឆ្ងាយពីការសមម្តែង ក៏ដូជាការងារសិល្បៈហើយដែរ បន្ទាប់ពីលោកក៏កាន់តែមានអាយុច្រើន។

អ្វីដែលមហាជនភ្ញាក់ផ្អើលនោះ ថ្មីៗនេះតារាប្រុសជើងចាស់រូបនេះបានទម្លាយរឿងរ៉ាវជីវិតក្រៅឆាករបស់លោកដែលមិនធ្លាប់បានទម្លាយឡើយកាលពី ១៥ ឆ្នាំមុន ហើយរឿងរ៉ាវហេតុដែលលោកខ្លាច និង មិននឹកស្មាននោះគឺ លើកទី ១ លោកបានជួបហេតុការណ៍ឆក់ខ្សែភ្លើង ខណៈពេលដែលលោកកំពុងតែថត ដែលហេតុការន៍នេះស្ទើរតែធ្វើឱ្យលោកត្រូវបាត់បង់ជីវិតដោយមិនដឹងខ្លួន។ មិនយូរប៉ុន្មាន លោកក៏ត្រូវមកជួបរឿងរ៉ាវដ៏សែនសោកសៅនៅក្នុងជីវិតមួយទៀត គឺលោកត្រូវបានបាត់បងភរិយាជាទីស្រឡាញ់ ដោយសារតែជំងឺមហារីកដោយគ្មានថ្ងៃត្រឡប់ និង បន្សល់ទុកកូន ៣ នាក់ ឱ្យលោកចិញ្ចឹម និង ទទួលបន្ទុកជាឪពុកចិញ្ចឹមកូនម្នាក់ឯង។

ក្នុងនោះដែរ លោកក៏បានបន្ថែមទៀផតថា ហេតុការណ៍ទាំងពីរនោះវាជារឿងដ៏សោកសៅធំបំផុតនៅក្នុងជីវិតរបស់លោក ហើយក៏បង្រៀនលោកឱ្យរឹងមាំដើម្បីកូនៗទាំង ៣ រហូតមានថ្ងៃនេះ។ មកទល់ពេលនេះលោកក៏បានរៀបការភរិយាថ្មីហើយដែរ បើទោះបីជាមានអាយុខុសគ្នាជាង ២០ ឆ្នាំក៏ដោយ តែវាមិនជាបញ្ហាចោទសម្រាប់សុភមង្គលលោកឡើយ៕

ប្រភព៖ sanook