អីយ៉ា! ជនិន្ទ្រ អរុណរស្មី និង ទិត្យ សុធារី ថតរូបកៀកកើយគ្នាលើកដំបូង ផ្អែមលើសស្ករទៀត

កាលពីពេលថ្មីៗនេះ មហាជនអ្នកគាំទ្រលេងបណ្តាញសង្គមហ្វេសប៊ុកមានការភ្ញាក់ផ្អើលរួចមកហើយ បន្ទាប់ពីតារាហ្វេស ប៊ុកសម្តីផ្អែម ជនិន្ទ្រ អរុណរស្មី បានបើកចំហទំនាក់ទនងស្នេហាជាមួយតារាចម្រៀងស្រី កញ្ញា ទិត្យ សុធារី ជាសាធារណៈនោះ ។លើសពីនោះ តារាហ្វេសប៊ុករូបនេះ ក៏ធ្វើឱ្យបុរសៗមិនតិចនោះទេច្រណែននឹងលោក ដែលបានសង្សារស្រស់ស្អាត ព្រមទាំងជាតារាស្រីមានទេពកោសល្យច្រៀងទាំងសម័យ និង បុរាណទៀត ។

យ៉ាងណាមិញ ក្រោយពីបើកចំហពីចំណងស្នេហ៍រយៈពេលមិនប៉ុន្មានខែមកនោះ គូស្នេហ៍ខាងលើនេះកាន់តែបង្ហាញភាពផ្អែមស្អិតល្មួតពីមួយថ្ងៃៗទៅមួយថ្ងៃ ធ្វើឱ្យអ្នកបានឃើញហើយឡើងជាតិស្ករមិនតិចនោះទេ ។ មិនត្រឹមតែប៉ុណ្ណោះ អ្នកទាំង ២ ថែមទាំងហៅគ្នាប្តីប្រពន្ធពេញមាត់ទៀតផង ។

តួយ៉ាង នៅថ្ងៃទី ៣០ ខែមិថុនា ឆ្នាំ ២០២១ នេះ មហាជនអ្នកគាំទ្រ ជាពិសេសអ្នកលេងបណ្តាញសង្គមហ្វេសប៊ុក កាន់តែច្រណែននឹងភាពផ្អែមល្ហែមរបស់តារាហ្វេសប៊ុក ជនិន្ទ្រ អរុណរស្មី និង តារាចម្រៀង ទិត្យ សុធារី ទៀតហើយ ក៏ព្រោះខាងប្រុសបានបង្ហោះរូបភាពកៀកកើយ នឹងគូស្នេហ៍លើគណនីហ្វេសប៊ុកជាលើកដំបូង ព្រមទាំងរៀបរាប់ក្តីស្រឡាញ់យ៉ាងផ្អែមដូចស្ករ ៕