ស៊ូ ស៊ីរីកា ដាច់ចិត្តទម្លាយរូបចាស់ ក្រោយពីមានអ្នករិះគន់ថាកែមុខដូចខ្មោច

ថ្មីៗនេះតារាចម្រៀង ស៊ូ ស៊ីរីកា បានបង្ហាញរូបភាពដែលទើបចូលប្រឡូកក្នុងសិល្បៈដំបូងៗ ក្រោយអីអន់ចិត្តនឹងការនិយាយថានាងកែមុខខ្លាំងពេកដូចខ្មោច ។ បើប្រៀបធៀបរូបភាពពីមុនរបស់ ស៊ូ ស៊ីរីកា និង ពេលនេះ ឃើញថាខុសគ្នាដាច់ដូចមនុស្សពីរនាក់ផ្សេងគ្នាតែម្តង ។

ស៊ូ ស៊ីរីកា បានបង្ហាញរូបភាពពីរសន្លឹកដែលកាលណោះនាងមានរូបរាងធាត់ទ្រលុកទ្រលន់ និង មានគីឡូរហូតដល់ទៅជាង ៧០ គីឡូឯណោះ ប៉ុន្តែក្រោយពីព្យាយាមហាត់ប្រាណសម្រក ញាំអាហារទៅតាមការកំណត់នោះ ពេលនេះ ស៊ូ ស៊ីរីកា មានរូបរាងស្លីមស្អាតប្លែកខុសពីមុនតែម្តង ។ អ្វីដែលចាប់អារម្មណ៍ជាមួយនឹងការបង្ហាញរូបភាពកាលពីនៅធាត់នោះ ស៊ូ ស៊ីរីកា បាននិយាយថា «មកពីមានអ្នកនិយាយថាកាលមុនស្អាតជាងដាច់ ឥលូវកែមុខពេកទៅមុខដូចខ្មោច ។ សុំអស់យោបល់ បើដឹងថាប៉ុណ្ណឹងស្អាតអត់សម្រកទេ» ។ ជាមួយនឹងរូបភាពនេះក៏ត្រូវបានអ្នកគាំទ្រលើកឡើងថា កាលមុនស្អាតមែន តែស្អាតបែបអ៊ីៗ ។

ក្រោយពីសម្រកគីឡូបានដល់ទៅជាង ២០ គីឡូ ពេលនេះសម្រស់របស់ ស៊ូ ស៊ីរីកា ស្អាតប្លែកទាំងទម្រង់មុខ និង រូបរាងដែលមានការលើកឡើងពីសំណាក់អ្នកគាំទ្រថា ទម្រង់មុខរបស់ ស៊ូ ស៊ីរីកា ស្អាតបែបបរទេស ។ ចុងក្រោយនេះ ស៊ូ ស៊ីរីកា កាន់តែមានប្រជាប្រិយភាពក្រោយពីបទចម្រៀងរបស់នាងមានចំណងជើងថា «ជំនូន» ផ្ទុះខ្លាំងនឹងមានអ្នកចូលមើលរាប់លានដងទៀតផង ៕