ប៉ែន ស្រីពេជ្រ ទើបរៀបការថ្មោងថ្មី ស្រាប់តែ កែវ ចាន់និមល ធ្វើរឿងរំភើបមួយនេះដាក់!
ក្រោយរៀបការរួចប៉ុន្មានថ្ងៃពេលនេះពិធីការិនី ប៉ែន ស្រីពេជ្រ បានបង្ហាញរូបភាពយ៉ាងផ្អែមល្ហែម ជាមួយស្វាមីដែលមើលទៅពិតជារ៉ូមែនទិកតែម្តង។
ជាមួយនឹងរូបភាពនៅក្នុងបន្ទប់គេង ដែលមានការតុបតែងដ៏ស្រស់ស្អាត និង ផ្អែមល្ហែមសម្រាប់ប្តីប្រពន្ធថ្មីថ្មោងនោះ ប៉ែន ស្រីពេជ្រ បានប្រាប់ថាមិនមែនជាដំណើរកម្សាន្តក្រេបចន្ទទឹកឃ្មុំទេ គឺមកចូលរួមក្នុងពិធីរៀបការគេប៉ុណ្ណោះ។ ហើយការរៀបចំស្រស់ស្អាតបែបនេះ ជាស្នាដៃរបសពិធីការិនី កែវ ចាន់និមល ហើយក៏មានការលើកឡើងថាគ្រាន់តែឃើញរូបភាពទាំងនេះ ក៏លើសជាតិស្ករទៅហើយ មើលទៅពោរពេញទៅដោយភាពកក់ក្តៅជាខ្លាំង។
គេចាំបានថា បែ៉ន ស្រីពេជ្រ បានរៀបការយ៉ាងអធិកអធមជាមួយលោក ឆេង ពន្លកនេត្រា ដែលជាមន្ត្រីបម្រើការនៅព្រឹទ្ធសភា ដែលមានវ័យប្រមាណជា ២៩ ឆ្នាំ និង ជាកូនអ្នកមានមុខមាត់នៅក្នុងតំបន់អ្នកលឿង។ អ្នកទាំងពីរបានសម្រេចចាប់ដៃគ្នាជាគូអនាគត ក្រោយពីបានស្វែងយល់ចិត្តថ្លើមគ្នា ប្រមាណជា ៦ ឆ្នាំ។ អ្វីដែលចាប់អារម្មណ៍ក្រោយរៀបការរួច បែ៉ន ស្រីពេជ្រ នៅតែបន្តអាជីពជាពិធីការិនីដដែល តែសម្រាប់ការសម្តែង គឺនាងសុំផ្អាកមួយរយៈ៕
រូបថត ៖ ហ្វេសប៊ុក