ពិតជាម៉ាក់ៗហាយសូរ! Sririta ពពោះកូន ៧ ខែហើយ នៅសម្ញែងស្បែកជើងកែងខ្ពស់ទៀត
ភ្លេចៗត្រចៀក នៅខ្វះប្រមាណជា ២ ខែទៀតប៉ុណ្ណោះ តារាសម្ដែងស្រីជួរមុខ នាង Sririta Jenson បានជួបមុខកូនប្រុសដំបូងដែលជាទាយាទវាល់លានរបស់ត្រកូលអភិជន Narongdej ហើយ បន្ទាប់ពីនាង និង ស្វាមី បានប្រារព្ធពិធីបង្ហាញភេទកូនក្នុងផ្ទៃកាលពីប៉ុន្មានថ្ងៃមុន ។
ដូចប្រិយមិត្តបានជ្រាបស្រាប់ហើយថា Sririta មិនត្រឹមតែជាតារាសម្ដែងស្រីដ៏ប៉ិនប្រសប់នោះទេ តែនាងក៏ជាម៉ូដែលដ៏លេចធ្លោមួយរូបផងដែរ ហើយធម្មតាតារាស្រីរូបនេះ និយមលេងម៉ូដសម្លៀកបំពាក់ Fashion ទាន់សម័យបែបនារីកាលីបហាយសូរ សមទៅតាមភាពល្បីល្បាញជាតារាស្រីជួរមុខ ។
តួយ៉ាងទោះបីជាកំពុងពពោះកូនក្នុងផ្ទៃជាង ៧ ខែហើយក៏ពិតមែន តែងាកទៅស្រីស្រស់ Sririta វិញ តែងរំលេចខ្លួនជាមួយម៉ូដសម្លៀកបំពាក់ហ៊ឺហារទាន់សម័យ ជាពិសេស នាងនៅតែពាក់ស្បែកជើងកែងចោទខ្ពស់ៗ ដូចមនុស្សគ្មានកូនក្នុងផ្ទៃ ធ្វើឱ្យមហាជនព្រួយបារម្ភជំនួយនាងមិនស្ទើរឡើយ ។ តែដោយសារ Sririta មានសុខភាពរឹងមាំល្អ ម្យ៉ាងនាងក៏មានបទពិសោធច្រើនឆ្នាំក្នុងការពាក់ស្បែកជើងកែងខ្ពស់ៗ នោះអាចមិនចោទជាបញ្ហាឡើយស្រាប់នាង ៕