ផ្ទុះការសរសើរ! កំពូលតារាចម្រៀង ព្រាប សុវត្ថិ ខ្នះខ្នែងខ្លាំងលើកិច្ចការសប្បុរសធម៌
ស្របពេលដែលប្រជាជនរាប់ម៉ឺននាក់ ក្នុងខេត្តមួយចំនួននៃប្រទេសកម្ពុជា កំពុងរងគ្រោះដោយសារជំនន់ទឹកភ្លៀង ជន់លិចផ្ទះសម្បែង ខូចខាតទ្រព្យសម្បត្តិ និង កំពុងត្រូវការជំនួសជួយសង្គ្រោះបន្ទាន់ពីថ្នាក់ដឹកនាំសំខាន់ៗ ក្នុងនោះគេសង្កេតឃើញមានសប្បុរសជនជិតឆ្ងាយជាច្រើន បានបង្ហាញចិត្តទឹកសប្បុរសជួយផ្ដល់ជាអំណោយ គ្រឿងឧបភោគបរិភោគជាបន្តបន្ទាប់ក្នុងគ្រាមានអាសន្ននេះ ។
ក្នុងនាមជាកំពូលតារាចម្រៀងដ៏ល្បីល្បាញលំដាប់ប្រទេសមួយរូប លោក ព្រាប សុវត្ថិ ក៏មិនព្រមឱបដៃឈរមើល ដោយមួយរយៈចុងក្រោយនេះគេសង្កេតឃើញតារាចម្រៀងប្រុសខាងលើ ហាក់កាន់តែខ្នះខ្នែងចុះទៅចែកអំណោយដល់ប្រជាជនដែលកំពុងរងគ្រោះដោយសារទឹកជំនន់ដោយផ្ទាល់ដល់ទីតាំងខេត្តដែលរងគ្រោះខ្លាំង បង្ហាញសកម្មភាពស្និទ្ធស្នាល ផ្ដល់ក្ដីស្រឡាញ់ ផ្ដល់កម្លាំងចិត្តដល់ពួកគាត់ក្នុងគ្រាដល់លំបាកមួយនេះ ។
ប្រជាជនដែលធ្លាប់គាំទ្របទចម្រៀងកំពូលតារាចម្រៀង ព្រាប សុវត្ថិ ក៏ដូចជាគាំទ្ររូបលោកផ្ទាល់ បាននាំគ្នាទះដៃត្រេកអរ ព្រមជាមួយអារម្មណ៍រំភើបចិត្តក្រៃលេងដែលបាន idol ក្នុងដួងចិត្តរបស់ពួកគាត់ មានទឹកចិត្តសប្បុរស អាណិតស្រឡាញ់ប្រជាជនដែលកំពុងរងគ្រោះ ព្រោះវាជាគំរូល្អមួយសម្រាប់អ្នកសិល្បៈដទៃទៀត ៕