លើកលោកនេះ មានអ្វីប្លែកៗជាច្រើនដែលយើងនឹកស្មានមិនដល់។ សូម្បីតែការរក្សាភាពបរិសុទ្ធ ឬ ព្រហ្មចារីខ្លួនប្រាណក៏មានករណីប្លែកៗផងដែរ។ ជាក់ស្តែង ដូចជាករណីប្រុសស្រី ៤ នាក់នេះ ខំរក្សាព្រហ្មចារីយូរខែ យូរឆ្នាំ តែចុងក្រោយ ពួកគេបានមកវិញត្រឹមជាការខកចិត្ត និង ស្តាយក្រោយរៀងៗខ្លួន។
១. រក្សាព្រហ្មចារីដល់ថ្ងៃរៀបការ តែខ្លោចផ្សានៅយប់ក្រេបទឹកឃ្មុំ
តាមរយៈសារព័ត៌មាន GOOD HOUSEKEEPING នារីបរទេសម្នាក់បានកើតនៅក្នុងគ្រួសារគ្រីស្ទាន ដែលការចិញ្ចឹមបីបាច់ត្រូវរក្សាព្រហ្មចារីរហូតដល់ថ្ងៃរៀបការ។ រហូតដល់ពេញវ័យ នាងបានភ្ជាប់ពាក្យជាមួយបុរសម្នាក់។ នាងនឹងគូដណ្តឹងបានទាក់ទងគ្នារយៈពេល ៥ ខែ មុនថ្ងៃរៀបការ ដោយមិនមានធ្វើអ្វីលើសលស់ ក្រៅតែពីបំពានត្រឹមស្នាមថើបដំបូងប៉ុណ្ណោះ។ ទីបំផុតបញ្ហាបានកើតឡើង រាត្រីទឹកឃ្មុំក្លាយជាទឹកខ្មេះ ក្រោយនាង និង ស្វាមីបានទៅក្រេបទឹកឃ្មុំ នាងមានការខកចិត្តជាខ្លាំង ដោយការផ្សំដំណេកមានការឈឺចុកចាប់ខ្លាំងនៅត្រង់ប្រដាប់ភេទ។ នាងបានសម្រេចចិត្តទៅមន្ទីរពេទ្យធ្វើរោគវិនិច្ឆយ ដែលជាលទ្ធផល នាងមានរោគស្ត្រីម្យ៉ាងហៅថា Vaginismus ដែលជាការកន្ត្រាក់សាច់ដុំ ធ្វើឱ្យសាច់ដុំទ្វារមាសតឹងណែន ពិបាកដល់ការជ្រៀតចូលប្រដាប់ភេទបុរស បង្កឱ្យមានការឈឺចាប់ ក្រហាយ ឬ មិនអាចទៅរួច។
២. បុរស Introvert រក្សាព្រហ្មចារីដល់អាយុ ៣១ ឆ្នាំ
លោក Ben Harris មានវ័យខ្ទង់ ៣០ ប្លាយទៅហើយ តែលោកនៅតែមិនទាន់បានស្គាល់រសជាតិឡើងឋានសួគ៌ជាមួយដៃគូនឹងគេ។ កាលនៅវ័យជំទង់ លោកជាក្មេងមិនជឿជាក់លើខ្លួនឯង ដោយគិតថាខ្លួនឯងគ្មានភាពទាក់ទាញ ឬ មិនអាចទាក់ទងជាមួយមនុស្សស្រី។ លោកថាខ្លួនឯងជាមនុស្ស Introvert និង រមែងតែត្រូវបានគេមាក់ងាយលើរូបសម្រស់។ មកដល់អាយុខ្ទង់ ២០ ឆ្នាំ រហូតដល់ខ្ទង់ ៣០ ឆ្នាំ លោកបានណាត់ជួបមនុស្សស្រីប្លែកមុខប្រហែល ៤០ ដង ប៉ុន្តែក្នុងទំនាក់ទំនងបានត្រឹមតែថើបថ្ពាល់ប៉ុណ្ណោះ។ សូម្បី ពេលមានឱកាសរួមភេទជាមួយដៃគូទៅហើយ លោកបែរជាបង្អាក់ខ្លួនឯងទៅវិញ។ លោកបានបដិសេធមិនទទួលយកឱកាសរួមភេទច្រើនដង បើទោះលោក និង ដៃគូបានដេកជាមួយគ្នានៅលើគ្រែតែមួយក៏ដោយ។ ចំពោះមូលហេតុវិញ លោកថាដោយសារលោកមានអារម្មណ៍ភ័យខ្លាច និង បារម្ភខ្លាចដៃគូមិនទទួលបានបទពិសោធល្អបំផុតពីលោក។
៣. រៀបការតែមិនឱ្យប្តីសម្ពោធ សុខចិត្តទុក ៣ ឆ្នាំទៀតទើបចាត់ការ
ស្ត្រីកាលីហ្វ័រញ៉ាម្នាក់ឈ្មោះ Esther Gualtieri នាងបានរក្សាព្រហ្មចារី ដោយសូម្បីតែស្នាមថើបដំបូង នាងក៏មិនបានស្គាល់រសជាតិរហូតដល់នាងរៀបការនៅអាយុ ៣០ ឆ្នាំ។ អ្វីកាន់តែហួសចិត្ត នាងទុកព្រហ្មចារី ៣ ឆ្នាំ ទៀតទើបអនុញ្ញាតឱ្យប្តីអាចសម្ពោធបាន។ ប្តីនាងមិនជំទាស់ ដោយសុខចិត្តរង់ចាំទាំងហេលហាល។ មូលហេតុដែលនាងចង់រក្សាព្រហ្មចារី គឺដើម្បីសុខភាពល្អ និង មិនចង់ជួបបញ្ហាលែងលះ ដូចអ្នកដែលប្រញាប់រួមភេទ។
៤. បុរសញៀនបាញ់ជីងចក់ មួយយប់ពីរម៉ោង
បុរសម្នាក់ឈ្មោះ Andrew Brookman រស់នៅប្រទេស wales សព្វថ្ងៃធ្វើការជាអ្នកសម្អាត។ អាយុ ៤៧ ឆ្នាំទៅហើយ លោកនៅតែអាចរក្សាព្រហ្មចារីរបស់ខ្លួនបាន។ កាលនៅអាយុ ១០ ឆ្នាំ ឪពុកម្តាយរបស់លោកបានលែងលះគ្នា ដែលស្ថានភាពនេះ បានធ្វើឱ្យលោកមានភាពភ័យខ្លាចក្នុងការជួបមនុស្សនៅក្នុងសង្គម ការមានទំនាក់ទំនងស្នេហា ឬ ស្និទ្ធស្នាលជាមួយនរណាម្នាក់។ លោកខ្លាចបំផុតការឈ្លោះប្រកែកគ្នា រហូតធ្វើឱ្យលោកគិតថានៅម្នាក់ឯង មានអារម្មណ៍ល្អជាង។ ដល់អាយុ ១៦ ឆ្នាំ លោកបានដឹងថាខ្លួនស្រលាញ់ភេទដូចគ្នា តែមិនហ៊ានបញ្ចេញ ដោយសារតែសង្គមមិនទទួលយក។ ភាពភ័យខ្លាចរបស់លោក ក៏កើតចេញពីកត្តានេះផងដែរ។ ចូលដល់វ័យ ៣០ ឆ្នាំ ការមើលរឿងសិច បានក្លាយជាច្រកចេញតែមួយគត់ ជំនួសឱ្យការមានដៃគូ ហើយលោកបានញៀននឹងការមើលវា ដោយមួយថ្ងៃមើលដល់ទៅ ២ ម៉ោង និង រៀងរាល់យប់៕
