មហាជនអ្នកគាំទ្ររបស់ស្រីស្អាត មីណា សុទ្ធសឹងតែបានចាប់អារម្មណ៍សរសើរហើយពីសមត្ថភាព ទេពកោសល្យរបស់នាង ដែលមិនត្រឹមតែជាតារាចម្រៀងស្រីដ៏មានប្រជាប្រិយភាពទេ តែនាងក៏ជាពិធីការិនី ជាតារាសម្ដែង និង Influencer មួយរូប ព្រមទាំងជាអ្នកបង្កើតមាតិកាវីដេអូថ្មីៗលើបណ្ដាញសង្គម ឆក់បានការគាំទ្រពីមហាជនខ្លាំងមិនធម្មតាដែរ។
លើសពីនេះ ក្រៅពីមានទេពកោសល្យច្រើនលើវិស័យសិល្បៈ កញ្ញា មីណា ក៏តែងត្រូវមហាជនសរសើរលើរូបសម្រស់របស់នាង និយមតុបតែងលេងស្ទីលស្អាតៗទាក់ទាញ ស្នាមញញឹមស្រស់មានមន្តស្នេហ៍ ជាពិសេសមានអត្តចរិតក្រមិចក្រមើមគួរឱ្យស្រឡាញ់ខ្លាំង។
យ៉ាងណាមិញ មួយរយៈក្រោយនេះ ស្របពេលចូលវ័យ ២៤ ឆ្នាំ ស្រីស្អាត មីណា ក៏កាន់តែឆក់បានការចាប់អារម្មណ៍ពីមហាជន ទាំងរូបសម្រស់កាន់តែស្រស់ស្អាតដូចផ្កា រីឯវិស័យសិល្បៈ ក៏កាន់តែក្ដោបបានសន្ទុះទីផ្សារខ្លាំង ទាំងវិស័យចម្រៀង លេចមុខសម្ដែងភាពយន្តខ្នាតធំ និង ការងារផ្សព្វផ្សាយផលិតផល ថតស្ពតពាណិជ្ជកម្មផ្សេងៗ ជាពិសេសចេញវីដេអូច្រៀង Cover ចម្រៀងបរទេសល្បីៗផ្ទុះការគាំទ្រពេញចិត្តខ្លាំងពីយុវវ័យ៕
