ធ្លាប់តែជក់ចិត្តជាមួយការសម្ដែង ឥលូវប្រិយមិត្តអ្នកគាំទ្រតារាសម្ដែងប្រចាំទូរទស្សន៍ TVB នឹងទទួលអារម្មណ៍ថ្មីមួយប្លែក ដោយកំពូលតារាប្រុសល្បីៗចំនួន ៥ រូប អាយុសុទ្ធតែខ្ទង់ ៤០ ឆ្នាំឡើង បានចាប់ដៃគ្នាបង្កើតជាក្រុមចម្រៀងបុរសមួយមានឈ្មោះជាភាសាចិនថា «好犀利男團» និង ជាភាសាអង់គ្លេសថា «Give Me Five»។
ក្រុមចម្រៀងបុរសមានសមាជិក ៥ នាក់នេះដែរ រួមមានតារាប្រុស Oscar Leung, Matthew Ko, Sammy Sum Stephen Wong Ka Lok និង Stephen Wong Cheung Hing។
ថ្មីៗនេះ ពួកគេបានធ្វើការប្រគុំតន្ត្រីលើកដំបូង ដោយឡាយវីដេអូសម្ដែងផ្ទាល់លើកម្មវិធី Douyin។ វីដេអូនៃការសម្ដែងរបស់ពួកគេនេះដែរ ទទួលបានការចូលមើល និង បញ្ចេញមតិជាច្រើនពីមហាជន ដោយខ្លះលើកឡើងថា ពួកគេចូលចិត្តមើលណាស់ បើទោះមើលទៅរៀងកំប្លែងបន្តិចមែន៕
