Connect with us

បច្ចេកវិទ្យា

ជិះម៉ូតូផ្លូវឆ្ងាយ កុំភ្លេចឆែកមើល ៥ ចំណុចនេះ បើមិនចង់ស្តាយក្រោយ

on

Advertisement

ការ​ជិះ​ម៉ូតូ​ទៅ​កាន់​គោលដៅ​ដែល​មាន​ចម្ងាយ​ផ្លូវ​ឆ្ងាយ អាច​និយាយ​បាន​ថា​ជា​ការ​ផ្សងព្រេង​មួយ ។ ផ្ទុយទៅវិញ​ការ​ជិះ​ម៉ូតូ​ផ្លូវឆ្ងាយ​តែងតែ​បង្កើត​អារម្មណ៍​ដ៏​អស្ចារ្យ ប៉ុន្តែ​ក៏​ប្រឈម​នឹង​គ្រោះថ្នាក់​ដែល​យើង​មិន​អាច​រំពឹង​ទុក​មុន​ផ្សេងៗ​ផង​ដែរ ។ រឿង​ចម្បង​ដែល​យើង​អាច​ធ្វើ​ដើម្បី​កាត់​បន្ថយ​គ្រោះថ្នាក់​ទាំង​នោះ គឺ​ត្រូវ​ពិនិត្យ​មើល​ម៉ូតូ​របស់​ខ្លួន មុន​ពេល​ចេញ​ដំណើរ ។

១) ឆែក​មើល​ប្រេង​ម៉ាស៊ីន ហើយ​ប្តូរ​វា​ចេញ​បើ​ចាំ​បាច់

ប្រេង​ម៉ាស៊ីន ជួយ​ឱ្យ​ម៉ាស៊ីន​ដំណើរការ​យ៉ាង​រលូន ហើយ​ថែមទាំង​មិន​ធ្វើ​ឱ្យ​ម៉ាស៊ីន​ម៉ូតូ​ក្តៅ​ខ្លាំង​ទៀត​ផង ។ ប្រេង​ម៉ាស៊ីន​ដែល​ប្រើ​យូរ នឹង​កាន់​បន្ថយ​ភាពរអិល និង ភាព​ត្រជាក់​នៃ​ម៉ាស៊ីន ធ្វើ​ឱ្យ​ម៉ាស៊ីន​កាន់​តែ​ក្តៅ​ខ្លាំង ហើយ​បណ្តាល​ឱ្យ​ខូច​បាន ។ បើ​យល់​ល្អ ជិះ​បាន​ត្រឹម ៥០០ គីឡូម៉ែត្រ គួរ​ប្តូរ​ប្រេង​ម៉ាស៊ីន​ចេញ​ម្តង ។

២) ឆែក​មើល​ប្រព័ន្ធ​ហ្វ្រាំង

វា​ពិត​ជា​ចាំ​បាច់​ខ្លាំង​ណាស់​ក្នុង​ការ​ពិនិត្យ​មើល​ប្រព័ន្ធ​ហ្វ្រាំង​ម៉ូតូ ព្រោះ​គ្រោះថ្នាក់​មើល​មិន​ឃើញ​ឡើយ ។ អ្នក​ត្រូវ​ឆែក​មើល​គ្រប់យ៉ាង​ដែល​ពាក់ព័ន្ធ​នឹង​ប្រព័ន្ធ​ហ្វ្រាំង ដូចជា ស្បែក​ហ្វ្រាំង ថាស​ហ្វ្រាំង និង ប្រេង​ហ្វ្រាំង ជាដើម ។

  • ស្បែក​ហ្វ្រាំង ៖ ឆែក​មើល​ថា​វា​សឹក​ខ្លាំង​ឬ​ក៏​អត់ បើ​សឹក​អស់​ហើយ គួរ​ផ្លាស់ប្តូរ​ចេញ
  • ថាស​ហ្វ្រាំង ៖ ឆែក​មើល​ថា​វា​សឹង​ខ្លាំង​ឬ​ក៏​អត់ បើ​សឹង​អស់​ហើយ គួរ​ផ្លាស់ប្តូរ​ចេញ
  • ប្រេង​ហ្វ្រាំង ៖ ថែម​ប្រេង​ហ្វ្រាំង​បើ​វា​ស្ថិត​នៅ​ក្រោម​កម្រិត​ទាប​បំផុត

៣) ឆែក​មើល​សម្បក​កង់

ដំបូង ត្រូវ​ឆែក​មើល​ក្រែង​មាន​មុត​បន្លា ឬ ដែក​អ្វី​លើ​សម្បក​កង់ ។ បន្ទាប់​មក​ត្រូវ​ពិនិត្យ​មើល​សម្ពាធ​ខ្យល់​ក្នុង​សម្បក​កង់​ថា​តឹង​ឬ​ក៏​ធូរ ។ ប្រសិន​បើ​សម្ពាធ​កង់​តឹង​ខ្លាំង​ពេក អាច​ធ្វើ​ឱ្យ​រលាក់​ខ្លាំង និង មិន​សូវ​ស្អិត​ជាមួយ​ផ្លូវ ហើយ​ជិះ​ផ្លូវ​ឆ្ងាយ​អាច​បណ្តាល​ឱ្យ​ឈឺ​ដៃ ។ ប្រសិន​បើ​សម្ពាធ​កង់​ធូរ​ខ្លាំង​ពេក អាច​ធ្វើ​ឱ្យ​ពិបាក​ជិះ និង រ៉េ​ចង្កូត ។ ម្យ៉ាង​ទៀត​ត្រូវ​ឆែក​មើល​ថា​តើ​សម្បក​កង់​សឹក​ខ្លាំង​ឬ​ក៏អត់ បើ​សឹកខ្លាំង​​ហើយ​គួរតែប្តូរ​ចេញ​ដើម្បី​សុវត្ថិភាព ។

៤) ឆែក​មើល​ច្រវ៉ាក់

ច្រវ៉ាក់​ក៏​សំខាន់​ដែរ ព្រោះ​វា​បញ្ជូន​កម្លាំង​ទៅ​កាន់​កង់ ។ ច្រវ៉ាក់​ដែល​ប្រើ​យូរ​នឹង​រីក​ធំ​ជាង​មុន បណ្តាល​ឱ្យ​ធូរ​ច្រវ៉ាក់ និង បង្ក​ជា​សំឡេង​រំខាន ហើយ​ងាយ​នឹង​ជ្រុះ​ច្រវ៉ាក់​ផង​ដែរ ។ ប៉ុន្តែ​បើ​ច្រវ៉ាក់​តឹង​ខ្លាំង​ពេក វា​ងាយ​នឹង​ដាច់​ច្រវ៉ាក់​ពេល​ជិះ ។ អ្នក​គួរ​សម្អាត​ច្រវ៉ាក់ និង ដាក់​ប្រេង​ឱ្យ​វា​ផង ។

៥) ឆែក​មើល​ប្រព័ន្ធ​ភ្លើង​បំភ្លឺ

មុន​ចេញ​ទៅ​ផ្លូវ​ឆ្ងាយ អ្នក​ក៏​ត្រូវ​ឆែកមើល​អំពូល​មុខ​ក្រោយ​ម៉ូតូ ព្រមទាំង​ភ្លើង​ស៊ីញ៉ូ​ឆ្វេង​ស្តាំ​ថា​ដំណើរការ​ឬ​អត់​ផង​ដែរ ។ បើ​អំពូល​ភ្លើង​ខាង​មុខ​រៀង​ស្រអាប់ អៀវ​ភ្លើង អ្នក​គួរតែ​ផ្លាស់ប្តូរ​វា​ចេញ ដើម្បី​សុវត្ថិភាព​ពេល​ជិះ​យប់ ៕

ដោយ ៖ ឡុង
ប្រភព ៖ zing

អត្ថបទពេញនិយម

លោកជំទាវ យឹម ឆៃលីន ស្រ្តីខ្មែរទី ១ ដែលផ្តល់កិត្តិយសដើរលើកម្រាលព្រំក្រហមជាមួយកំពូលតារាល្បីលើពិភពលោក ក្នុងកម្មវិធី Cannes Film Festival
បាត់មុខរាប់ឆ្នាំ​ ​អ៊ិ​ន​ ​វល​ក្ខ័​ទេពី​ ​នៅតែ​ស្អាតមិនចាញ់ពីដើម ពេលទើបចូលសិល្បៈ​ ​!​
រំភើបខ្លាំងណាស់ បុរសម្នាក់បែកពីម្តាយជិត ៣០ឆ្នាំ ទើបតែរកឃើញ (វីដេអូ)
តំបន់ទេសចរណ៍ធម្មជាតិតម្លៃ ៥០០ លានដុល្លារ នឹងមានវត្តមាននៅខេត្តកំពង់ស្ពឺ

មតិរបស់អ្នក

Sponsored
Sponsored