តៃកុងតាក់ស៊ីម្នាក់ ព្រោះតែទារប្រាក់ឈ្នួលពីភ្ញៀវថ្លៃហួសហេតុពេក ត្រូវប៉ូលិសចាប់ខ្លួន
ពិតជារឿងដ៏នឹកស្មានមិនដល់មួយសម្រាប់អ្នករត់តាក់ស៊ីម្នាក់ ដែលត្រូវបានប៉ូលិសចាប់ខ្លួន ដោយសារទារថ្លៃជិះតាក់ស៊ីហួសតម្លៃជាក់ស្ដែងច្រើនពេក។ អ្នករត់តាក់ស៊ីខាងលើមានអាយុ ៤៧ ឆ្នាំ ជាអ្នករត់តាក់ស៊ីប្រចាំនៅទីក្រុងហុងកុង ហើយនៅថ្ងៃដែលចាប់ខ្លួននោះ គឺគាត់បានទារប្រាក់ឈ្នួលពីភ្ញៀវចំនួន ១០០ ដុល្លារហុងកុង ខណៈដែលតម្លៃធម្មតាត្រឹមតែ ២៤ដុល្លារហុងកុងតែប៉ុណ្ណោះ ។
យ៉ាងណាមិញក្រោយចាប់ខ្លួន បុរសខាងលើត្រូវបានឃុំខ្លួនបណ្ដោះអាសន្នដើម្បីរង់ចាំសាច់ញាតិមកធានា រួចហើយនឹងស៊ើបអង្កេតបន្តទៀតអំពីសកម្មភាពកែងប្រវ័ញ្ចនេះ ៕
ដោយ៖ ម៉ានី
ប្រភព៖ South China Morning Post