សព្វគ្រប់ពេកហើយ ភាគច្រើនប្រុសៗថៃឥលូវនេះ សូម្បីតែសាច់ដុំ six-pack ក៏ក្លែងក្លាយ !
ថ្មីៗនេះរូបថតជាច្រើនសន្លឹកដែលបង្ហាញពីការធ្វើសាច់ដុំពោះសិប្បនិម្មិត ដែលគេនិយមហៅថា six-pack បានធ្វើឱ្យមានការចាប់អារម្មណ៍យ៉ាងខ្លាំង ហើយចំពោះសេវាកម្មនេះ ត្រូវបានគេដឹងថាមាននៅលើទឹកដីប្រទេសថៃ ។
តាមរយៈការចុះផ្សាយរបស់សារព័ត៌មាន Coconuts បានឱ្យដឹងថា ប្រុសៗមួយចំនួនធំនៅទីក្រុងបាងកក តែងតែទៅរកសេវាកម្មវះកាត់បង្កើតសាច់ដុំពោះ ឬ six-pack សិប្បនិម្មិត ដើម្បីសម្រេចក្ដីស្រមៃរបស់ខ្លួនដែលចង់បានរូបរាងសង្ហា ហើយដំណើរការនៃការវះកាត់នេះគឺប្រព្រឹត្តិទៅរយៈពេល ២ ទៅ ៤ ម៉ោងទើបរួចរាល់ ។
ប្រភពបានបញ្ជាក់ទៀតថា ចំពោះទីតាំងគ្លីនិកដែលមានសេវាកម្មនេះគឺមានឈ្មោះ Masterpiece ស្ថិតនៅសង្កាត់ឌូស៊ីត និង ពីរកន្លែងទៀតដែលជាដៃគូមានឈ្មោះ Sib Clinic និង Kamol Cosmetic ។
តាមសម្ដីរបស់នាយកប្រត្តិបត្តិរបស់គ្លីនិក Masterpiece ឈ្មោះលោក Raweewat “Sae” Maschamadol បានឱ្យដឹងថា គ្លីនិករបស់លោកបានបង្កើតសេវាកម្មនេះឡើងរយៈពេល ៣-៤ ឆ្នាំមកហើយ ហើយយ៉ាងហោចណាស់មានអតិថិជនពី ២០ ទៅ ៣០ នាក់ជារៀងរាល់ខែមកទទួលសេវាកម្មនេះ ។ ចំពោះតម្លៃនៃដំណើរការវះកាត់បង្កើត six-pack សិប្បនិម្មិត គឺខ្ទង់ ៣៧០០ ដុល្លារ ៕
ដោយ៖ ម៉ានី
ប្រភព៖ Nextshark