អស្ចារ្យណាស់ ពិការប្រអប់ដៃពិត ប៉ុន្តែក្មេងស្រីម្នាក់នេះឈ្នះការប្រកួតសរសេរសំណេរល្អបំផុតនៅអាមេរិក
ថ្មីៗនេះក្មេងស្រីពិការប្រអប់ដៃពីកំណើតម្នាក់បានធ្វើឱ្យមនុស្សម្នាជាច្រើនកើតក្តីសរសើរដោយសារតែនាងបានក្លាយជាម្ចាសជ័យលាភីក្នុងការប្រឡងសរសេរសំណេរដោយប្រើដៃកម្រិតថ្នាក់ជាតិនៅក្នុងសហរដ្ឋអាមេរិក ។
ក្មេងស្រីខាងលើមានឈ្មោះថា Sara Hinesley អាយុ ១០ ឆ្នាំ រស់នៅក្នុងក្រុង Frederick រដ្ឋ Maryland សហរដ្ឋអាមេរិក ហើយកម្មវិធីដែលនាងបានចូលរួមប្រកួតប្រជែងនោះមានឈ្មោះថា The Zaner-Bloser National Handwriting Contest ដែលត្រូវបានគេរៀបចំឡើងរៀងរាល់ឆ្នាំ សម្រាប់ក្រុមអ្នកដែលចូលចិត្តការសរសេរ ឬ ការប្រកួតប្រជែងដោយប្រើប្រាជ្ញា ។
ជាមួយគ្នានេះដែរ Sara Hinesley បានផ្ដលបទសម្ភាសថា ថ្វីបើនាងពិការគ្មានប្រអប់ដៃតាំងពីកំណើតក៏ពិតមែន តែនាងមិនដែលបោះបង់ក្តីស្រមៃក្នុងការប្រកួតប្រជែងគ្រប់បែបយ៉ាងទាំងនៅក្នុងថ្នាក់រៀន និង នៅក្នុងសង្គម ហើយនាងតាំងចិត្តថា នឹងធ្វើអ្វីគ្រប់យ៉ាងបានដូចមនុស្សទូទៅដែរ ៕
ដោយ៖ ម៉ានី
ប្រភព៖ Nextshark