តោះ! មកទស្សនាទិដ្ឋភាពព្រលានយន្តហោះខ្ទង់ពាន់លានដុល្លារ ដែលសិង្ហបុរីទើបតែសម្ពោធជាផ្លូវការ (វីដេអូ)
ថ្មីៗនេះប្រទេសសិង្ហបុរីបានបើកសម្ពោធជាផ្លូវការនូវព្រលានយន្តហោះប្រណីត លំដាប់ថ្នាក់ពិពភពលោករបស់ខ្លួនដែលចំណាយទឹកប្រាក់អស់រហូតដល់ប្រមាណ ១,៣ ពាន់លានដុល្លារ ។
ព្រលានយន្តហោះខាងលើនេះមានឈ្មោះ Jewel Changi Airport ឬ «ទីក្រុងក្នុងសួនច្បារ» ដែលវាមិនត្រឹមតែជាព្រលានយន្តហោះដែលអស្ចារ្យបំផុតប៉ុណ្ណោះទេ ថែមទាំងជាទីក្រុងមួយដែលមានហាងលក់រាយ និង ភោជនីយដ្ឋានជាង ២៨០ ហ៊ុមព័ទ្ធដោយព្រៃដ៏ធំល្វឹងល្វើយ ។
អ្វីដែលអស្ចារ្យថែមទៀតនោះ Jewel គឺមានកម្ពស់ ៧ ជាន់ ខ្ពស់ជាងគេលើលោក ហើយដំបូលរបស់វាត្រូវបានគេប្រើទឹកចំនួន ៥០០,០០០ លីត្រ បូមទម្លាក់ចុះមកក្រោមដែលមើលទៅហាក់ដូចជាទឹកជ្រោះធម្មជាតិធ្លាក់ចំកណ្ដាលព្រលានយន្តហោះយ៉ាងដូច្នេះដែរ ។ ចង់ដឹងថា Jewel មានភាពប្រណីត និង ស្អាតប៉ុនណា សូមទស្សនាការបង្ហាញជូនខាងក្រោមនេះទាំងអស់គ្នា ៕
ដោយ ៖ ម៉ានី
ប្រភព ៖ channelnewsasia
