ចេះតែឮសំឡេងចម្លែកៗចេញពីលូ ក៏ប្រញាប់ទៅប្លឹងប៉ូលិស ស្រាប់តែបើកខ្វាកឃើញក្រពើធំប៉ុនណាណីនៅក្នុងហ្នឹង

កាលពីថ្មីៗនេះ រឿងរ៉ាវមួយពីគ្រួសារបុរសម្នាក់នៅប្រទេសម៉ាឡេស៊ី បានជួបប្រទះនឹងហេតុការណ៍ដ៏គួរឱ្យភ័យខ្លាចមួយនៅមុខផ្ទះ ក្រោយពីបានឮសំឡេងចម្លែកចេញពីបំពង់លូ ក៏សម្រេចចិត្តជូនដំណឹងទៅសមត្ថកិច្ចភ្លាមៗដើម្បីស៊ើបអង្កេត លុះដល់ពេលបើកគម្របលូមើលហើយ បុរសនោះសឹងគាំងបេះដូង ហើយយល់ថាខ្លួនសំណាងណាស់ដែលបានប្រាប់ប៉ូលិសទាន់ កុំអីស្លាប់អស់មួយគ្រួសារក៏មិនដឹង។

យោងតាមសេចក្តីរាយការណ៍ ក្រោយមកសមត្ថកិច្ចបានមកដល់រួចបើកគម្របលូមើល ស្រាប់តែបានប្រទះឃើញក្រពើមួយក្បាលយ៉ាងធំនៅក្នុងនោះ។ ភ្លាមៗនោះសមត្ថកិច្ចជំនាញក៏បានប្រើប្រាស់ឧបករណ៍មួយចំនួនដើម្បីទាញក្រពើដ៏ធំនោះចេញមកចងវាជាមួយខ្សែពួរ ដើម្បីកុំឱ្យវាបង្កគ្រោះថ្នាក់ដល់មនុស្ស ហើយក៏ដឹកវាតាមរថយន្តចេញទៅ។

យ៉ាងណាមិញ ចំពោះមូលហេតុដែលមានសត្វក្រពើលេចចេញតាមបំពង់លូនេះដែរ ពុំមានការបញ្ជាក់ច្បាស់លាស់អ្វីទេ ប៉ុន្តែហេតុការណ៍នេះបានឱ្យមនុស្សជាច្រើនមានការភ្ញាក់ផ្អើល និង ផ្ទុះការចាប់អារម្មណ៍ជាខ្លាំង ព្រមទាំងបានចាត់ទុកគ្រួសារនោះថាជាគ្រួសារមួយ ដែលមានសំណាងបំផុត ដែលមិនមានអ្នកណារអិលធ្លាក់ចូលបំពង់លូនោះ បើមិនដូច្នេះទេ ពួកគេប្រហែលជាក្លាយជាចំណីរបស់ក្រពើនោះហើយ៕

ប្រភព ៖ Sanook