ម្ចាស់ហួសចិត្ត យកឆ្មាសំណព្វចិត្តទៅដាក់ពេទ្យតែមួយយប់សោះ មកវិញឆ្មាចេះព្រុសដូចឆ្កែ

ថ្មីៗនេះ ម្ចាស់គណនី TikTok មួយ បានបង្ហោះវីដេអូពីរឿងរ៉ាវហួសចិត្តឆ្មារបស់ខ្លួន ដែលចេះព្រុសដូចឆ្កែ បន្ទាប់ពីយកទៅដាក់ពេទ្យតែមួយយប់ បានធ្វើឱ្យមហាជនជាច្រើនអស់សំណើចយ៉ាងខ្លាំង។

រឿងរ៉ាវនេះ ត្រូវបានចែកចាយចេញពីប្រទេសជប៉ុន ដោយម្ចាស់បានឱ្យដឹងថា ខ្លួនជាម្ចាស់របស់សត្វចិញ្ចឹមពីរក្បាល គឺមានឆ្កែមួយក្បាល និង ឆ្មាមួយក្បាល។ ម្ចាស់បន្តទៀតថា ខ្លួនបានយកសត្វឆ្មាដែលមានវ័យ ១ ឆ្នាំ ទៅដាក់ផ្ញើនៅមន្ទីរពេទ្យចំនួនមួយយប់ តែក្រោយពេលវាត្រឡប់មកវិញ វាក៏មានអាការចម្លែកដែលធ្វើឱ្យខ្លួនភ្ញាក់ផ្អើលជាខ្លាំង។

ដោយឆ្មាមួយក្បាលនេះ ទៅជាចេះព្រុសដូចឆ្កែអ៊ីចឹង វាព្រុសជាបែបសំឡេងតូចរបស់វា ស្តាប់ទៅប្លែកគួរឱ្យស្រឡាញ់ ធ្វើឱ្យម្ចាស់អត់មិនបាន ក៏ស្រវាទាញទូរស័ព្ទមកថតទុក រួចក៏ចែកចាយនៅតាមបណ្តាញសង្គមតែម្តងទៅ។

យ៉ាងណាមិញ មហាជនឃើញហើយពិតជាអស់សំណើចខ្លាំងណាស់ ឯអ្នកខ្លះក៏គិតថាគួរឱ្យស្រឡាញ់ អ្នកខ្លះទៀតក៏លលេងថា សង្ស័យទៅពេទ្យមានមិត្តភក្តិជាឆ្កែច្រើនពេក ទើបដល់ថ្នាក់ចេះសម្របខ្លួនទៅព្រុសតាមគេ៕

សូមចុចទីនេះដើម្បីទស្សនាវីដេអូ៖