នៅថ្ងៃទី ០៩ ខែឧសភា ឆ្នាំ ២០២២ នេះ រដ្ឋបាលខេត្តពោធិ៍សាត់ បានបញ្ជាក់ឱ្យបានដឹងថា ដោយគោរពទទួលបានគោលការណ៍អនុញ្ញាត ពីសំណាក់ឯកឧត្តម ជាវ តាយ អភិបាលនៃគណៈអភិបាលខេត្តពោធិ៍សាត់ បានចាត់ឱ្យក្រុមការងារ រៀបចំការផ្សាយបន្តផ្ទាល់ លើផ្ទាំង LED ខ្នាតធំ ការប្រកួតបាលទាត់ របស់ក្រុមជម្រើសជាតិកម្ពុជា ក្នុងព្រឹត្តិការណ៍ SEA GAMES។
អាស្រ័យហេតុនេះ សូមប្រជាពលរដ្ឋ យុវជន និងអ្នកគាំទ្រវិស័យបាល់ទាត់ទាំងអស់ ចូលរួមទស្សនាការប្រកួតបាល់ទាត់បុរស នៅថ្ងៃទី ០៩ ខែឧសភា ឆ្នាំ ២០២២ នេះ វេលាម៉ោង ៤ និង០០នាទីរសៀល ជំនួប ឡាវ U23 Vs កម្ពុជាU23 នៅទីតាំងផ្ទាំង LED មុខសាលាខេត្តពោធិ៍សាត់។
គួរឱ្យដឹងផងដែរ ការដាក់បញ្ជាំងផ្ទាំង LED ខ្នាតធំបែបនេះ ធ្វើឡើងក្នុងគោលបំណង គាំទ្រវិស័យកីឡាបាល់ទាត់ជាតិ ក៏ដូចជាការគាំទ្រក្រុមបាល់ទាត់ជម្រើសជាតិកម្ពុជា អាយុក្រោម ២៣ឆ្នាំ ក្នុងការប្រកួតព្រឹត្តិការណ៍ស៊ីហ្គេម SEA GAMES លើកទី ៣១ នៅប្រទេសវៀតណាម៕
ប្រភព ៖ Pursat Provincial Hall