ទីបំផុត ម្ចាស់កិ្លប Chelsea សម្រេចចិត្តដាក់លក់ក្លិបក្នុងតម្លៃ ៤ ពាន់លានដុល្លារ

លោក Abramovich ដែលជាមហាសេដ្ឋី អ្នកជំនួញ និង អ្នកនយោបាយ ជនជាតិរុស្ស៊ី ហើយក៏ជាម្ចាស់ក្លិបតោខៀវ Chelsea ផងដែរនោះ ពេលនេះលោកសម្រេចដាក់លក់ក្លិបមួយនេះក្នុងតម្លៃ​ ៣ ពាន់លានផោន ដែលស្មើនឹង ៤ ពាន់លានដុល្លារ។

នៅក្នុងសេចក្តីថ្លែងការណ៍នៅលើគេហទំព័ររបស់ក្លិបតោខៀវ Chelsea  លោក Abramovich បាននិយាយថា ៖ «លោកបានធ្វើការសម្រេចចិត្តដ៏លំបាកមិនគួរឱ្យជឿ ដែលនេះបានធ្វើឱ្យគាត់ឈឺចាប់»។

លោកបានបន្តទៀតថា៖ «ប្រាក់ចំណូលដែលបានមកពីការលក់ទាំងអស់ នឹងត្រូវបរិច្ចាគជូនទៅជនរងគ្រោះក្នុងសង្រ្គាមនៅអ៊ុយក្រែន»។

មិនត្រឹមតែប៉ុណ្ណោះ លោកក៏បានណែនាំក្លិបឱ្យបង្កើតមូលនិធិសប្បុរសធម៌មួយ ហើយប្រាក់ចំណូលសុទ្ធទាំងអស់ដែលបានមកពីការលក់នឹងត្រូវយកទៅបរិច្ចាគ។ ជាពិសេស មូលនិធិនេះ នឹងត្រូវផ្តល់ជូនដល់ជនរងគ្រោះទាំងអស់ក្នុងសង្គ្រាមនៅអ៊ុយក្រែន។

គួរឱ្យដឹងដែរថា លោក Abramovich បានទិញក្លិប Chelsea ក្នុងឆ្នាំ ២០០៣ ក្នុងតម្លៃ ១៤០ លានផោន៕

ប្រភព ៖ ​BBC, Dialy mail