កាន់តែក្តៅហើយ! រុស្ស៊ីត្រូវបាន FIFA និង UEFA បណ្តេញចេញពីការប្រកួតបាល់ទាត់ពិភពលោក
ថ្មីៗនេះ FIFA និង UEFA បានសម្រេចមិនអនុញ្ញាតឱ្យ ក្លិបក្នុង Russian Premier League ទាំងអស់ និង ក្រុមជម្រើសជាតិ ត្រូវផ្អាកពីការចូលរួមក្នុងការប្រកួតទាំង FIFA និង UEFA រហូតដល់មានការជូនដំណឹងបន្ថែម។
ប្រទេសរុស្ស៊ី ត្រូវបានបណ្តេញចេញពីការប្រកួតបាល់ទាត់ពិភពលោក Qatar នៅឯអារ៉ាប់រួម ដោយប៉ូឡូញបានឡើងទៅកាន់វគ្គផ្តាច់ព្រ័ត្រជាមួយស៊ុយអែត ឬ សាធារណរដ្ឋឆេកនៅចុងខែនេះ។ បន្ថែមពីលើនេះ ប្រទេសរុស្សីក៏មិនត្រូវបានអនុញ្ញាតក្នុងការប្រកួតជើងឯកអឺរ៉ុបនារី ក្នុងប្រទេសអង់គ្លេស នៅរដូវក្ដៅនេះដែរ។ រីឯ Spartak Moscow ក៏ត្រូវបានដកចេញពី Europa League ជាមួយនឹងក្លិប RB Leipzig ដែលឈានទៅវគ្គផ្តាច់ព្រ័ត្រ ខណៈដែល UEFA ក៏បានបញ្ចប់កិច្ចព្រមព្រៀងឧបត្ថម្ភដែលមានតម្លៃ ៣៣.៥ លានផោន ដែលស្មើ ៤៤ ៩៦៨៥២៤ ដុល្លារក្នុងមួយឆ្នាំ ជាមួយក្រុមហ៊ុន Gazprom របស់រុស្ស៊ី។
ការទាត់ឈ្មោះរុស្ស៊ីចេញពីក្របខណ្ឌបាល់ទាត់នេះ គឺជាការរួបរួមយ៉ាងសំខាន់ និង សាមគ្គីភាពពេញលេញជាមួយប្រជាជនទាំងអស់ ដែលរងផលប៉ះពាល់នៅអ៊ុយក្រែន។ ទាំងប្រធាន FIFA និង UEFA សង្ឃឹមថា ស្ថានភាពនៅអ៊ុយក្រែន នឹងប្រសើរឡើងវិញឆាប់រហ័ស៕
ប្រភព៖ Dailymail