ទើបអាយុ ៣២ ឆ្នាំ កីឡាការិនីបាត់ទាត់រូបនេះ ជាបុគ្គលល្បីបំផុតនៅកូរ៉េខាងត្បូង
Cho So-hyun កីឡាការិនីបាល់ទាត់ជម្រើសជាតិកូរ៉េខាងត្បូង ត្រូវបានគេចាត់ទុកថាជាកីឡាការិនីបាល់ទាត់ដ៏ល្បីល្បាញ និង ជោគជ័យបំផុតរបស់កូរ៉េខាងត្បូង ដោយសារតែបទពិសោធន៍បាល់ទាត់អស់រយៈពេលជាង ១០ ឆ្នាំមកនេះ។
នាង Cho So-hyun សព្វថ្ងៃមានវ័យ ៣២ ជាខ្សែបម្រើរបស់ក្លិបបាល់ទាត់ West Ham United ដែលលេងនៅលីគកំពូលនារីរបស់អង់គ្លេស ។ នាងគឺជាកីឡាការិនី ដែលមិនអាចខ្វះបាននៅក្នុងក្រុម ដោយត្រូវបានក្លិបជាច្រើននៅបរទេស ចាប់អារម្មណ៍ក្រោយពីនាងបង្ហាញខ្លួនបានយ៉ាងល្អឱ្យជម្រើសជាតិកូរ៉េខាងត្បូង ។
នាងបានជាប់ជាក្រុមជម្រើសជាតិកូរ៉េខាងត្បូង តាំងពីវ័យ ១៥ ឆ្នាំមកម៉្លេះ។ គ្រានោះនាងបានស្ថិតនៅឈុតអាយុក្រោម ១៧ ឆ្នាំ ដល់ឈុតធំ។ ឯអាជីពបាល់ទាត់ក្រៅប្រទេសវិញ នាងធ្លាប់ចេញទៅប្រកបអាជីពនៅលីគកំពូលជប៉ុន និង ន័រវេស តាំងពីឆ្នាំ ២០១៧៕
ប្រភពៈ dailymail