បើចេញពី Arsenal រួច Ozíl ចង់ទៅលេងនៅទីនេះ
ខ្សែបម្រើប្រយុទ្ធដ៏ល្បីល្បាញ Mesut Ozil របស់ ក្លិបបាល់ទាត់ Arsenal បានបង្ហើបអំពីគម្រោងក្រោយពីការចាកចេញពី Arsenal ។ កីឡាករអាល្លឺម៉ង់រូបនេះ បាននិយាយថា រូបគេចង់ទៅលេងនៅ លីគកំពូលអាមេរិក ឬ លីគកំពូលទួរគី ។
Ozil ចង់ចាកចេញពី Arsenal នៅពេលនេះតែម្តង ។ ចំពោះលីគកំពូលអាមេរិក គេមិនច្បាស់ថានឹងទៅក្លិបណានោះទេ តែប្រសិនបើគេផ្លាស់ទៅកាន់លីគកំពូលទួរគីវិញ គេនឹងទៅលេងឱ្យក្លិប Fenerbahce ដែលជាក្លិបដែលគេតែងតែគាំទ្រតាំងពីតូចមក ។
គួរឱ្យដឹងដែរថា Mesut Ozil ត្រូវបានក្លិបបាល់ទាត់ Arsenal ដកឈ្មោះចេញពីក្រុមដោយមិនប្រើប្រាស់នៅក្នុងរដូវកាល ២០២០-២០២១ នេះ ដែលវាបានធ្វើឱ្យអ្នកគាំទ្រជាច្រើនផ្ទុះការប្រតិកម្មជាមួយនឹងក្លិប មិនត្រឹមតែប៉ុណ្ណោះ ការធ្លាក់ជើងរបស់ក្លិបនៅក្នុងរដូវកាលនេះ ត្រូវបានគេចោទប្រកាន់ថាបណ្តាលមកពីការដកកីឡាកររូបនេះចេញពីក្រុម ៕
ប្រភព៖ skysport