អស្ចារ្យណាស់ ! យុវជនកម្ពុជា ២ រូបឈ្នះការប្រកួតនៅជប៉ុន ដែលមានអ្នកចូលរួមពី ១២ ប្រទេស
ពិតជាគួរឱ្យមោទកបំផុតដែលទង់ជាតិកម្ពុជាបានផុសឡើងលើឆាកប្រកួតលំដាប់អន្តរជាតិមួយនាទីក្រុងតូក្យូប្រទេសជប៉ុន ដោយយុវជនកម្ពុជាចំនួន ២ រូប បានឈ្នះការប្រកួតជាមួយ ១២ ប្រទេស លើវិញ្ញាសារថតរូប និង ជ័យលាភី GATSBY Award ពីវិញ្ញាសារាំ ។
គួរបញ្ជាក់ថានោះគឺជាកម្មវិធីប្រកួតប្រចាំឆ្នាំដ៏ធំដែលមានឈ្មោះថា GATSBY Creative Award កម្មវិធីនេះបានបង្កើតឡើងអស់រយៈពេល ១៣ ឆ្នាំ មកហើយ ដោយមាន ១២ ប្រទេសចូលរូម ដូចជា កម្ពុជា ហុងកុង ម៉ាឡេស៊ី ជប៉ុន កូរ៉េ ចិន មុងហ្គោលី ឥណ្ឌា ឥណ្តូនេស៊ី សិង្ហបូរី តៃវ៉ាន់ និង ថៃ ក្នុងនោះកម្ពុជាទើបតែបានចូលរួមប្រកួត ២ ឆ្នាំតែប៉ុណ្ណោះ ដោយឆ្នាំទី ១ កម្ពុជាឈ្នះបានចំនួន ៣ រូប ហើយឆ្នាំ២០១៩ នេះ កម្ពុជាឈ្នះបានរហូតដល់ទៅ ៤ រូបទៅកាន់វគ្គផ្តាច់ព្រ័ត្រនៅប្រទេសជប៉ុន ក្នុងនោះរួមមានជ័យលាភីពីវិញ្ញាសាស្ប៉តពាណិ ជ្ជកម្ម, រាំ, ថតរូប និង Art ហើយឈានដល់វគ្គផ្តាច់ព្រ័ត្រនៅលើវេទិការនៅឯប្រទេសជប៉ុន កម្ពុជាបានយកឈ្នះ ១២ ប្រទេស Grand award ពីវិញ្ញាសាថតរូប និង ជ័យលាភី GATSBY award ពីវិញ្ញាសារាំ ។
នេះជាជោគជ័យ និង ជាកិត្តិយសសម្រាប់កម្ពុជា ដែលបានបញ្ជាក់ថា យុវជនកម្ពុជាមានសមត្ថភាព និង ភាពច្នៃប្រឌិតប្រកបដោយភាព ជឿជាក់លើឆាកអន្តរជាតិ លទ្ឋផលមួយនេះនឹងធ្វើឱ្យយុវវជនកម្ពុជាដ៏ទៃទៀតត្រៀមខ្លួនយកជ័យលាភីសម្រាប់កម្ពុជាជាបន្តទៀតនៅឆ្នាំក្រោយ ។ ជានិច្ចជាកាល ហ្គេតប៊ី តែងតែគាំទ្ រនិង ផ្តល់ឪកាសដល់យុវជនកម្ពុជា ហើយ ហ្គេតប៊ី បានក្លាយជាផ្នែកមួយនៃភាពជោគជ័យរបស់យុវវ័យផងដែរ ៕
