រថយន្ត MG6 បានវាយលុកទីផ្សារកម្ពុជា និង បង្ហាញពីភាពពេញនិយមជាមួយម្ចាស់រថយន្តវ័យក្មេងជាច្រើនរូប
MG គឺជាក្រុមហ៊ុនរថយន្តរបស់ចក្រភពអង់គ្លេស ដែលមានទីស្នាក់ការនៅទីក្រុងឡុងដ៍ និង ចក្រភពអង់គ្លេស។ MG Motor បានឌីស្សាញ អភិវឌ្ឍយ៉ាងរីកចម្រើនក្នុងទីផ្សាររថយន្ត ដោយបានដាក់លក់ក្រោមស្លាកយីហោ MG ខណៈដែលការផលិតរថយន្ត MG បានធ្វើឡើងនៅរោងចក្ររបស់ខ្លួនជាច្រើនប្រទេស។ នៅប្រទេសកម្ពុជា MG កំពុងឈរនៅលេខរៀងទី ៣ នៃលំដាប់ថ្នាក់នៃរថយន្តគ្រួសារ ដែលកំពុងមានការពេញនិយមជាខ្លាំងពីសំណាក់ប្រជាជនកម្ពុជា។ លក្ខណៈពិសេសៗនៃរថយន្ត MG គឺតម្លៃសមរម្យ អមជាមួយនឹងបច្ចេកវិទ្យាថ្មីទំនើប។ ពួកគេបាននាំចូលរថយន្ត MG ម៉ូដែលចំនួន ៥ ម៉ូឌែលមកកម្ពុជា ដូចជា រថយន្ត MG ZS, MG6, MG RX5, MG HS និង MG RX8។
ដូច្នេះហើយ យើងនឹងជ្រើសរើសយករថយន្តប្រភេទ sedan ដ៏ពេញនិយមមួយក្នុងប្រទេសកម្ពុជាមកបង្ហាញ នោះគឺរថយន្ត MG6 ដែលឌីស្សាញមកជាមួយនូវរូបរាងបែបស្ព័រ និង ផ្នែកខាងក្នុងយ៉ាងស្រស់សោភាជាមួយសម្ភារកម្រិតខ្ពស់ដែលផ្តល់ផាសុកភាពប្រកបដោយភាពរីករាយ។ ភាគច្រើននៃអ្នកទិញ MG6 គឺជាមនុស្សវ័យក្មេង និង ស៊ីវិល័យ ហើយផ្ទៃខាងក្នុងពណ៌ក្រហមក៏ជាពណ៌ដែលពួកគេចូលចិត្តផងដែរ ដូច្នេះហើយ MG6 បានរចនាជាមួយនឹងផ្នែកខាងក្នុងបែបស្ព័រនៃកៅអីពូកស្បែកពណ៌ក្រហម។ ចំណុចដែលអតិថិជនចាប់អារម្មណ៍បំផុតអំពី MG6 គឺវាអាចលេខលេងស្ទីល (Customize) បានយ៉ាងងាយស្រួលជាមួយនឹងស្ទីលច្នៃប្រឌិតពីម្ចាស់រថយន្ត និង មានកម្លាំងខ្លាំងពីតួបូចំណុះ 1.5T ដែលផ្តល់ថាមពល 169hp និង កម្លាំងរមួល 250Nm ដែលបង្កើតអារម្មណ៍នៃការបង្កើនល្បឿនដ៏រីករាយជាមួយនឹងប្រព័ន្ធហ្រ្វាំងដែលមានប្រសិទ្ធភាពខ្ពស់ និង សុវត្ថិភាពខ្ពស់។ នេះគឺជាការបង្ហាញពីភាពអស្ចារ្យ និង រីករាយរបស់អ្នកបើកបរផងដែរ។
ចំណុចល្អបំផុតមួយទៀតគឺតម្លៃរបស់ MG6 ដែលពិតជាសមរម្យបំផុតសម្រាប់យុវវ័យកម្ពុជា ដោយចំណាយត្រឹមតែ 33 000 ដុល្លារប៉ុណ្ណោះ អមជាមួយនឹងកាដូរ ៣ មុខបន្ថែមទៀត ហើយអ្នកទិញ MG6 ក៏អាចរីករាយជាមួយការសេវាកម្មថែទាំងក្នុងរយៈពេលវែងផងដែរ។ រថយន្ត MG6 ត្រូវបានទទួលស្វាគមន៍យ៉ាងកក់ក្ដៅពីសំណាក់អតិថិជននៅកម្ពុជាចាប់តាំងពីវាត្រូវបានដាក់លក់ក្នុងឆ្នាំ ២០១៩ មកម្លេះ ដោយបរិមាណលក់ចេញជាង ៥០០ គ្រឿង និង ជិត ២០០ គ្រឿងទៀត ត្រូវបានអតិថិជនដាក់កម្ម៉ង់សម្រាប់ឆ្នាំ ២០២២ ខាងមុខនេះ។
លក្ខណៈពិសេសផ្សេងទៀតដែលធ្វើឱ្យរថយន្ត MG6 ទទួលបាននូវភាពពេញនិយមរួមមានដូចជា Sport Model ដែលងាយស្រួលបង្កើនលឿន និង អាចផ្លាស់ប្តូរស្ទីលនៅលើតាប់ឡូយ៉ាងទាក់ទាញដែលមើលទៅហាក់បីដូចជារថយន្តស្ព័រដែលមានតម្លៃថ្លៃ, សេនស័រនិងកាមេរ៉ាថយកក្រោយជំនួយពេលចត, ប្រព័ន្ធសោរឆ្លាតវៃ smart key, អេក្រង់កម្សាន្តទំហំ ១០.១ អ៊ីញ ដែលអាចភ្ជាប់ជាមួយ Bluetooth និង Apple CarPlay, ដំបូលលើបើកបានធំល្អ Panoramic Sunroof, និង ជាពិសេសគឺទំហំនៃកន្លែងដាក់ជើងមានចំណុះ ៤៥៨ លីត្រ ដែលផ្តល់នូវភាពធំទូលាយ និង ផាសុកភាពសម្រាប់អ្នកបើកបរ និង អ្នករួមដំណើរ, បូករួមជាមួយមុខងារប្រើប្រាស់ជាច្រើនទៀត ដែលធ្វើឱ្យអ្នកបើកបរទទួលបាននូវភាពងាយស្រួល និង ទទួលបានចំណាប់អារម្មណ៍កាន់តែច្រើនឡើងៗ៕
