Royal Enfield Cambodia នាំស្នាមញញឹមជាមួយការជួយជាច្រើនដល់សង្គម
ខ្វល់ខ្វាយស្តែងចេញតាមរយៈការចែករំលែក, ការជួយគឺជារឿងដែលអស្ចារ្យបំផុតសម្រាប់មនុស្សគ្រប់គ្នា ដែលអាចធ្វើឱ្យគ្នាបាន ជាពិសេសគឺជួយដល់មនុស្សដែលកំពុងត្រូវការជំនួយ។ ក្រៅពីវប្បធម៌នៃការជិះកម្សាន្តជាក្រុម ការជិះបែប Pure Motorcycling ក្រុមហ៊ុន Royal Enfield តែងតែបង្កើតនូវវប្បធម៌ការចែករំលែកដល់អ្នកខ្វះខាតក្នុងសង្គម ដោយស្តែងតាមរយៈរូបភាព Charity/Donation Ride។ សកម្មភាពមនុស្សធម៌បែបនេះមិនត្រឹមតែនាំស្នាមញញឹមឱ្យអ្នកក្រខ្សត់ប៉ុណ្ណោះទេ ប៉ុន្តែបាននាំយកនូវសេចក្តីស្រឡាញ់ និង រឹតចំណងមិត្តភាពរវាងអតិថិជន និង ក្រុមហ៊ុនម៉ូតូ Royal Enfield ផងដែរ។ ជាក់ស្តែងកន្លងមកនេះក្រុមហ៊ុន បានផ្តល់ជូននៅចំនីអាហារនិង សម្ភារចាំបាច់ជូនដល់ក្រុមលោកតាស៊ីក្លូក្នុងកំឡុងពេលវិបត្តិជំងឺកូវីដ-១៩, ការផ្តល់ជូនសម្ភារសិក្សា និង ម៉ាស់ដល់ប្អូនៗសិស្សានុសិស្សនៅឯខេត្តកំពត និង កុមារី យុរវនារីរងគ្រោះនៅឯមជ្ឈមណ្ឌល AFESIP កាលពីថ្ងៃទី ២៥ ធ្នូ ឆ្នាំ ២០២១ ថ្មីៗនេះ។
ជាមួយជំនឿយ៉ាងមុតមាំថាការធ្វើអំពើល្អជារឿងដែលគប្បី និង ចាំបាច់ ក្រុមហ៊ុន Royal Enfield Cambodia តែងតែបង្កើតនូវការជិះកម្សាន្ត ដោយភ្ជាប់មកជាមួយកម្មវិធីសប្បុរសធម៌ និង បរិច្ចាគដែលជាហេតុនាំឱ្យភ្ញៀវរបស់ពួកគេមានការចងចាំល្អៗសម្រាប់គ្រប់ trip នីមួយៗជាមួយនឹងម៉ាកយីហោមួយនេះ។ ការជំរុញឱ្យមានការជួយគ្នាទៅវិញទៅមកបែបនេះនឹងនាំឱ្យសង្គមមានសន្តិភាព ក៏ដូចជាលើកទឹកចិត្តឱ្យក្រុមអ្នកខ្វះខាត និង ជនរងគ្រោះមានកម្លាំងចិត្តរឹងមាំនឹងបន្តរស់នៅដោយមានក្តីសង្ឃឹម។ សូមអរគុណដល់អតិថិជនគ្រប់រូបរបស់ម៉ូតូ Royal Enfield ផងដែរ ដែលបានចូលរួមយ៉ាងសម្រាក់សម្រាំនៅក្នុងការងារសង្គមទាំងអស់នេះ វត្តមានរបស់អ្នកគ្រប់គ្នាពិតជាមានឥទ្ធិពល និង បង្កើនក៏ដូចជាលើកទឹកចិត្តឱ្យមានការជួយជាបន្តបន្ទាប់ក្នុងសង្គម ពីព្រោះទាំងអស់នេះគឺជាអ្វីដែលពិភពលោកត្រូវការ។
សូមបញ្ជាក់ថា ក្រុមហ៊ុនបានបើកដំនើរការអគារតាំងបង្ហាញរបស់ខ្លូនអស់រយៈពេលជិត ២ ឆ្នាំមកហើយ។ ជាមួយនឹងការលក់ចេញនូវម៉ូដែលទាំង ៥ របស់ខ្លួនដូចជា Royal Enfield Classic, Himalayan, GT Continental, Interceptor & Meteor បានប្រមូលនៅអ្នកគាំទ្រ និង ស្រឡាញ់ម៉ាកយីហ៊ោមួយនេះជាច្រើន។ ការគាំទ្ររបស់អតិថិជនគ្រប់គ្នាមិនមែនដោយសារតែរូបរាងម៉ូតូនោះទេ ប៉ុន្តែគួបផ្សំជាមួយនឹងព្រឹត្តិការណ៍ជិះកម្សាន្តដែលមានជារៀងរាល់ខែ ជាពិសេសគឺចំណងមិត្តភាព ភាពជាគ្រួសារ និង សង្គមតែមួយ ដែលម៉ាកយីហោមួយនេះតែងតែព្យាយាមកសាងឡើង។ ប្រសិនបើអ្នកស្រឡាញ់ការធ្វើដំណើរ និង ការរួបរួមគ្នាជាសហគមន៍បែបនេះ អ្នកជ្រើសរើសជាមួយម៉ូតូ ពិតជាមិនខកបំណងនោះទេ៕
