Connect with us

អត្ថបទក្រុមហ៊ុន

១០ ចំណុចងាយៗ ថែទាំ និង ត្រួតពិនិត្យរថយន្តក្នុងរដូវវស្សា (វីដេអូ)

on

Advertisement

តើ​អ្នក​គួរ​ធ្វើ​អ្វីខ្លះ​ក្នុងការ​ថែទាំ​រថយន្ត ដើម្បី​ជៀសវាង​បញ្ហា​ដែល​អាច​កើតមាន​នៅពេល​បើកបរ​នៅ​រដូវភ្លៀង ? វា​ជា​រឿង​សំខាន់​ណាស់​ដែល​អ្នក​គួរ​មាន​វិធានការ​ការពារ​ទុកជាមុន ដើម្បី​រក្សា​សុវត្ថិភាព​ពេល​កំពុងបើក​បរ ​។ ជាធម្មតា​ពេល​បើកបរ​ក្នុង​រដូវវស្សា អ្នក​តែង​ជួបប្រទះ​ផលវិបាក​ផ្សេងៗ​ដូចជា ពិបាក​ក្នុងការ​មើលផ្លូវ ផ្លូវ​មានទឹក​លិច ផ្លូវ​រអិល​ពិបាក​ចាប់​ហ្វ្រាំង ការខូចខាត​ផ្នែក​ខាងក្រោម​រថយន្ត​ដោយសារតែ​មានទឹក និង ​ភក់​ខ្ទាត​ទៅ​ជាប់​នៅ​កន្លែង​ទាំងនោះ​ដែល​បង្ក​ឲ្យ​មានការ​ច្រែះខូច​ជាដើម​។ ដូចនេះហើយ អ្នក​គួរ​យល់ដឹង​អំពី​គន្លឹះ​សំខាន់ៗ​មួយចំនួន​ដែល​អ្នក​គួរ​ធ្វើ ដើម្បី​ជៀសវាង​ហានិភ័យ​ដែល​អាច​កើតមាន​ក្នុងពេល​បើកបរ​ក្នុង​រដូវវស្សា​ ៖

1.​ ​ពិនិត្យ​ប្រព័ន្ធ​ភ្លើង​បំភ្លឺ​ផ្លូវ​របស់​រថយន្ត​

​ការមើលឃើញ​ច្បាស់​នៅពេល​បើកបរ​ជា​ផ្នែក​មួយ​ចាំបាច់​បំផុត​សម្រាប់​ការបើកបរ​រថយន្ត​នៅពេល​យប់ ឬ ​ពេល​ភ្លៀង​ខ្លាំង ដូចនេះហើយ​អ្នក​ត្រូវ​ប្រាកដថា​ចង្កៀង​ផ្នែក​ខាងមុខ និង ​ផ្នែក​ខាងក្រោយ​រថយន្ត​ដំណើរ​ការល្អ​ជានិច្ច​ ។ ប្រសិនបើ​ចង្កៀង​រថយន្ត​អ្នកមាន​សភាព​ស្រអាប់ ភ្លើង​មើលទៅ​មិនសូវ​ភ្លឺ អ្នក​គួរ​យក​រថយន្ត​ទៅ​សម្អាត​ចង្កៀង​ចេញ ឬ ​ប្តូរ​អំពូល​ថ្មី​តែម្តង ​។

2.​ ​ពិនិត្យ​ផ្នែក​ដំបូល​កញ្ចក់ទ្វារ​រថយន្ត​

​ប្រសិនបើ​រថយន្ត​អ្នកមាន​ដំបូល​កញ្ចក់​បិទ​បើក ជាបឋម​អ្នក​ត្រូវ​យកចិត្តទុកដាក់​ក្នុងការ​ឆែក​មើល​នូវ​ដំណើរ​ការបិទ​បើក​កញ្ចក់​ដំបូល​លើ​ថា​តើ​វា​ដំណើរការ​ធម្មតា​ឬទេ​។ លើសពីនេះទៅទៀត​ដើម្បី​ជៀសវាង​ភាពមិនប្រក្រតី​ណាមួយ ដូចជា​ការបិទ​មិន​ជិត​ដោយសារ​ធូលី​ដី ឬ​ មានទឹក​ដក់​មិន​ហូរ​ល្អ ដែលជា​ហេតុ​នាំ​ឲ្យ​មានការ​លេចជ្រាប​ទឹកភ្លៀង​ស្រក់​ចូល​រថយន្ត​ ។​

3.​ ​ពិនិត្យ​ផ្លិត​ទឹក

​ជាមួយគ្នានេះដែរ​អ្នក​ត្រូវ​ពិនិត្យមើល​ប្រតិបត្តិការ​ផ្លិត​ទឹកមុខ​ក្រោយ ជៀសវាង​មានការ​រហែក​ជ័រ​បក់​ទឹក ឬ​ ផ្លិត​ទឹក​មិន​ដំណើរការ​ប្រក្រតី​ទៅតាម​ចលនា​លឿន​យឺត​ជាដើម​ ។

4.​ ​ត្រួតពិនិត្យ​ប្រព័ន្ធ​ជើង​ក្រោម​រថយន្ត​

​ពេល​អ្នកបើកបរ​កាត់​ទឹក​ ឬ ​ចត​ក្នុង​ទឹក​ជម្រៅ​ណាមួយ ​ទឹក​អាច​ជ្រាប​ចូលក្នុង​គ្រឿង​បង្គំ​មួយចំនួន​នៃ​ផ្នែក​ខាងក្រោម​របស់​រថយន្ត​បាន ដូចនេះ​អ្នក​ត្រូវ​ពិនិត្យមើល​ប្រព័ន្ធ​ជើង​ក្រោម​រថយន្ត​ជៀសវាង​បញ្ហា​ទឹក​ជ្រាប​ដល់ទី​តាំង​សុវត្ថិភាព​ណាមួយ​បាន​ ។ ​អ្នក​ត្រូវ​ពិនិត្យ​ទៅលើ​ប៉ា​ឡុង តើ​វា​មាន​របូត ឬ​ រលុង​កន្លែង​ណាមួយ​ឬ​អត់​ និង ​ត្រូវ​ពិនិត្យមើល​ការ​លេច​ជ្រាប​មានដូចជា បូម កាទែ​ម៉ាស៊ីន និង ​ប្រអប់លេខ​ជាដើម​ ។ ប្រការ​សំខាន់​មួយទៀត​ត្រូវ​ពិនិត្យមើល​កៅស៊ូ​ការពារ​ដី មានដូចជា​កៅស៊ូ​ ឬ ទីល​ចង្កូត កៅស៊ូ​អា​ប៊ូ​ហ្សេ កៅស៊ូ​ទាំងអស់នេះ​គឺ​សម្រាប់​ការពារ​ដី និង​ ទឹក​មិន​ឲ្យ​ចូល​នៅពេល​អ្នកបើកបរ​កាត់​ទឹក កាត់​ភក់ ដែល​អាចធ្វើ​ឲ្យ​គ្រឿង​បង្គំ​ផ្នែក​ខាងក្រោម​ច្រែះ ធ្វើ​ឲ្យ​ការបើកបរ​មាន​បញ្ហា​ ។ ចំណុច​ចាំបាច់​មួយទៀត អ្នក​ត្រូវ​ពិនិត្យមើល​កាឡេ​ខ្វែង ប្រសិនបើ​កាឡេ​ខ្វែង​រថយន្ត​អ្នក​រលុង​នឹងធ្វើ​ឲ្យ​ប៉ះពាល់​ដល់​ការដាក់​លេខ ធ្វើ​ឲ្យ​រថយន្ត​កន្ត្រាក់​នៅពេល​បើកបរ ម្យ៉ាងទៀត​ត្រូវ​ត្រួតពិនិត្យ​ប្រេង​ប៉ុង​ថា​មានការ​លេច​ជ្រាប​ដែរ ឬទេ ជៀសវាង​បញ្ហា​ផ្សេងៗ​ដែល​អាច​កើតមាន​ពេល​បើកបរ​ផ្លូវ​ឆ្ងាយ​ ។

5.​ ​ត្រួតពិនិត្យ​ប្រព័ន្ធ​ហ្វ្រាំងរថយន្ត​

ហ្វ្រាំង គឺជា​ប្រព័ន្ធ​មួយ​ដ៏​សំខាន់​ដូច​ប្រព័ន្ធ​ផ្សេងៗ​ទៀត​ដែលមាន​នូវក្នុង​តារាង​ត្រួតពិនិត្យ​រថយន្ត​ផងដែរ ។ អ្នក​គួរ​យក​រថយន្ត​ទៅ​ត្រួតពិនិត្យ​ដោយ​ជាង​ជំនាញ​នូវ​យាន​ដ្ឋា​ន​ដើម្បី​ធានាថា​ស្បែក​ហ្វ្រាំង​នៅមាន​កម្រាស់​ក្រាស់​ និង ​មិន​ខូចគុណភាព​ ។ មិនតែប៉ុណ្ណោះ​អ្នក​ត្រូវ​ពិនិត្យ​ប្រេង​ហ្វ្រាំង​ផងដែរ​ ។​

6.​ ​ត្រួតពិនិត្យ​ផ្នែក​ខ្សែ​ពាន​រថយន្ត

​ដោយសារ​ខ្សែ​ពាន​ទាំងនេះ​ធ្វើ​មកពី​កៅស៊ូ ហេតុនេះហើយ​ប្រសិនបើ​វា​ដាច់ ឬ ​រហែក ម៉ាស៊ីន​ទាំងអស់​ក្នុង​រថយន្ត​នឹង​លែង​ដំណើរការ ​។ កត្តា​មួយទៀត គឺ​ពេលដែល​ខ្សែ​ពាន​ទាំងនេះ​ត្រូវ​ទឹក វា​បង្កើត​ឲ្យ​មាន​ភាព​រអិល និង​ មាន​ភាពលំបាក​ក្នុងការ​អូស​ម៉ាស៊ីន​ ។ ដូច្នេះហើយ អ្នក​គួរ​ឧស្សាហ៍​ឆែក​មើល​ខ្សែ​ពាន​ម៉ាស៊ីន​កុំ​ឲ្យ​មានការ​លេច​ធ្លាយ​ទឹក​ពី​គម្រប​រថយន្ត​ចូលទៅ​ខាងក្នុង និង ​គួរ​ប្ដូរ​វា​ចោល​ពេលដែល​វា​មាន​ភាព​ចាស់​ខ្លាំង​ ។​

7.​ ​ត្រួតពិនិត្យ​សំបក​រថយន្ត​

​ការត្រួតពិនិត្យ​សំបក​កង់​មិន​សំដៅ​តែ​លើ​សម្ពាធ​កង់​មួយ​មុខ​នោះទេ យើង​ត្រូវ​ពិនិត្យមើល​កាលបរិច្ឆេទ​នៅលើ​សំបក​កង់ ប្រសិនបើ​សំបក​កង់​រថយន្ត​ផុត​ថ្ងៃ​ហួសកំណត់​អ្នក​ត្រូវ​ប្តូរ​ចេញ​ភ្លាម ​ទោះបីជា​ក្រឡា​កង់​នៅមាន​កម្រាស់​ក្រាស់​ក៏ដោយ​ ។ មួយវិញទៀត អ្នក​ត្រូវ​ពិនិត្យមើល​កម្រិត​នៃ​កម្រាស់​សំបក​កង់​ដែល​បាន​កំណត់ដោយ​រោងចក្រ​ផ្ទាល់ ថា​ដល់​ពេលដែល​គួរ​ប្តូរ​សំបក​កង់ ឬ ​នៅ ​។​

8.​ ​ត្រួត​ពិនិត្យមើល​អាគុយ​របស់​រថយន្ត​

​អ្នក​គួរ​ពិនិត្យ​នៅលើ​ក្បាល​អាគុយ ប្រសិនបើ​ក្បាល​អាគុយ​មាន​ស្នឹម អ្នក​គួរ​យក​ទឹក​ក្ដៅ​មក​លាង​សម្អាត​ត្រង់​កន្លែង​ដែលមាន​ស្នឹម ដែល​អាច​បង្ក​ឲ្យ​មាន​បញ្ហា​ពេល​បញ្ឆេះ​រថយន្ត ។ ម្យ៉ាងទៀត គួរ​ពិនិត្យ​កម្រិត​អាស៊ីត​ក្នុង​អាគុយ បើ​កម្រិត​អាស៊ីត​ឡើង​ខ្ពស់​នោះ​បញ្ជាក់ថា​ដល់ពេល​ប្ដូរ​អាគុយ​ថ្មី​ហើយ​ ។

9.​ ​លាង​សម្អាត និង ប៉ូ​លា​រថយន្ត​ឲ្យ​បាន​ត្រឹមត្រូវ

​នៅក្រោម​លក្ខខណ្ឌ​អាកាសធាតុ​សើម​វា​ជាការ​លំបាក​ខ្លាំងណាស់​ក្នុង​ការលាង​សម្អាត​ស្នាម​ទឹកជា​ប់​លើ​ថ្នាំ​រថយន្ត​ ។ ទោះជា​យ៉ាងណាក៏ដោយ​ការលាង​ និង ​ប៉ូ​លា​រថយន្ត​បាន​ត្រឹមត្រូវ អាចជួយ​សម្អាត​ស្នាម​ទាំង​នោះបាន​ ។ ការសម្អាត​កញ្ចក់​រថ​យន្ត​បាន​ស្អាត​ល្អ ក៏​អាចជួយ​លោកអ្នក​មើល​បាន​ច្បាស់​ពេល​បើកបរ​ផងដែរ ​។ ម្យ៉ាងទៀត លោកអ្នក​គួរប្រើ​ទឹក​ជូត​កញ្ចក់​ដើម្បី​សម្អាត​កញ្ចក់​ជុំវិញ​រថយន្ត​បាន​ស្អាត​ល្អ​ ។​

10.​ ​ត្រូវ​ប្រុងប្រយ័ត្ន កុំ​បើកបរ​លឿន​ពេក​នៅពេល​ភ្លៀង​

​បន្ទាប់ពី​អ្នក​បាន​ធ្វើតាម​គន្លឹះ​មួយចំនួន​ដែល​បាន​រៀបរាប់​ខាងលើ​អ្នក​ក៏ត្រូវ​មានការ​ប្រុងប្រយ័ត្ន​ខ្ពស់​ពេល​បើកបរ​នៅ​រដូវភ្លៀង​ ។​ អ្នក​មិនត្រូវ​ចាប់​ហ្វ្រាំង​បន្ទាន់​ភ្លាមៗ​នោះទេ​ ហើយ​ត្រូវ​រក្សា​គម្លាត​សុវត្ថិភាព​ជានិច្ច​ ។ ​ការធ្វើ​បែបនេះ​នឹង​ជួយ​រក្សា​លំនឹង​កង់​ជៀសវាង​ការ​រអិល ​។ ​អ្នក​គួរ​បើកបរ​នៅ​ជួរ​កណ្ដាល​នៃ​ផ្លូវ​ព្រោះ​ពេល​មាន​ភ្លៀង​ធ្លាក់​ផ្នែក​សងខាង​ផ្លូវ​តែងមាន​ទឹក​លិច​ ។​

​ដូចនេះហើយ ដើម្បី​ជៀសវាង​បញ្ហា​ទាំងអស់នេះ​អ្នក​អាច​យក​រថយន្ត​ទៅ​យានដ្ឋាន​ជួសជុល ​និង ​ថែទាំ​រថយន្ត ឬ ​អ្នក​មកកាន់​មជ្ឈមណ្ឌល​ថែទាំ និង​ ជួសជុល​រថយន្ត Ford ផ្ទាល់​ដើម្បី​ឲ្យ​ជាង​ដែលមាន​ជំនាញ​ច្បាស់លាស់​ធើ្វ​ការត្រួតពិនិត្យ​ឬ​ជួសជុល​រថយន្ត​អ្នក​មុន​រដូវវស្សា​ខិតជិត​មកដល់ ​។​ សូមទស្សនាវីដេអូខាងក្រោម​ ៖

អត្ថបទដោយ​៖ Michaels

អត្ថបទពេញនិយម

ផ្ទះ នាយពាក់មី នៅខេត្ត មានទេសភាពស្រស់ស្អាត គួរឱ្យចង់រស់នៅណាស់
ក្រសួងកំពុងព្រួយបារម្ភការឆ្លងចូលសហគមន៍ បើល្ងាចនេះលទ្ធផលតេស្តបុរសហុងគ្រីផ្ទុកកូវីដ១៩
បុរសសង្ហាថៃ ៧ រូប ជោគជ័យសល់លុយវាល់លាន ទាំងវ័យមិនទាន់ ៣០ ឆ្នាំផង
ម៉ែអើយ! ខំឱ្យបន្ទប់ជួលនៅ ៥ ឆ្នាំ បើកទ្វារខ្វាក ដូចគំនរចាក់សំរាម

មតិរបស់អ្នក

អត្ថបទក្រុមហ៊ុន1 day ago

សូម​អញ្ជើញ​ចូលរួម​ក្នុង​កម្មវិធី​បើកបរ​សាកល្បង​រថយន្ត Ford Everest 2.0L Bi-Turbo ជំនាន់​ថ្មី​ទាំងអស់គ្នា​

​ឱ​កាស​ពិសេស​នៃ​ការបើកបរ​សាកល្បងរ​ថយ​ន្ត Ford បាន​វិល​ត្រឡប់មក​សារជាថ្មី​ម្តងទៀត​ហើយ នោះ​គឺ​ការបើកបរ​សាកល្បងរ​ថយ​ន្ត Ford Everest 2.0L Bi-Turbo ជំនាន់​ថ្មី​ដែល​ទើប​តែមាន​វត្តមាន​នៅលើ​ទីផ្សារ​ប្រទេស​កម្ពុជា​នាពេល​ថ្មីៗ​នេះ​ ។ កម្មវិធី​នេះ​នឹងត្រូវ​ធ្វើឡើង​នៅ ដឹ ព្រេ​មៀ សេន​ធ័​រ សែន​សុខ នៅ​ថ្ងៃទី ០២ ខែតុលា ឆ្នាំ​ ២០២០...

អត្ថបទក្រុមហ៊ុន2 days ago

អ្នកកំពតចង់កុម្មង់តាម foodpanda ពេលនេះមកដល់ហើយ​ តែប៉ុណ្ណេះកុម្ម៉ង់រាល់ថ្ងៃម៉ង! (វីដេអូ)

កាលពីថ្ងៃទី ២៣ ខែកញ្ញា កន្លងទៅនេះ ក្រុមហ៊ុនដឹកជញ្ជូនអាហារ foodpanda បានបោះគោលដៅរបស់ខ្លួនដល់ទឹកដីទីរួមខេត្តកំពតហើយ តោះត្រៀមខ្លួនចាំកុម្ម៉ង់អាហារពី foodpanda ហើយឬនៅ? foodpanda ត្រូវបានស្គាល់ពីថាជាក្រុមហ៊ុនដឹកជញ្ជូនដែលមានភាពរហ័ស​ និង ងាយស្រួល ថែមទាំងឥតគិតថ្លៃទៀត ។ អ្វីដែលពិសេសនោះគឺ អតិថិជនក៏អាចប្រើសេវាកម្មកុម្ម៉ង់ហើយទៅយកម្ហូបខ្លួនឯង (Pick-up) ដោយមិនចាំបាច់ចាំយូរ...

អត្ថបទក្រុមហ៊ុន3 days ago

TikTok ប្តេជ្ញាចិត្តក្នុងការកសាងភាពជឿជាក់ និង សុវត្ថិភាព ដោយបង្កើតក្រុមប្រឹក្សាពិគ្រោះយោបល់សុវត្ថិភាពអាស៊ីប៉ាស៊ីហ្វិក (APAC)

● TikTok បង្កើតក្រុមប្រឹក្សាពិគ្រោះយោបល់សុវត្ថិភាពអាស៊ីប៉ាស៊ីហ្វិក APAC ដោយការជ្រើសរើសមាតិកា គោលនយោបាយ និងអ្នកជំនាញនៅក្នុងតំបន់ ● សមាជិកក្រុមប្រឹក្សានឹងផ្តល់យោបល់លើគោលនយោបាយប្រើប្រាស់មាតិកាដែលសមស្រប និងបញ្ហាភាពជឿជាក់និងសុវត្ថិភាពទូទាំងតំបន់ APAC ● ស្របពេល TikTok បន្តនាំយកភាពវិជ្ជមានមកកាន់សហគមន៍នៅប្រទេសកម្ពុជាការផ្ដល់យោបល់និងសេចក្ដីណែនាំដែលធ្វើឡើងដោយក្រុមប្រឹក្សាពិគ្រោះយោបល់សុវត្ថិភាព APAC នឹងត្រូវអនុវត្តនៅក្នុងសហគមន៍ TikTok នៅកម្ពុជាផងដែរ ។...

អត្ថបទក្រុមហ៊ុន3 days ago

ចុកឆ្អល់ ហើមពោះ ពិបាករំលាយអាហារ ឬ មានជាតិហ្គាសក្នុងក្រពះ តើគួរធ្វើដូចម្តេចទើបប្រសើរ?

សម្រាប់ការទទួលទានប្រចាំថ្ងៃ លោកអ្នកប្រាកដជានឹងជួបប្រទះនូវប្រភេទអាហារក្តៅ អាហារមានរសជាតិជូរ និង ហឹរ ច្រើនជាមិនខាន ។ ជាការពិតណាស់ប្រសិនជាលោកអ្នកទទួលទានអាហារប្រភេទនេះច្រើនពេក ពេលខ្លះក៏វាអាចផ្តល់ទុក្ខទោសដល់សុខភាពរបស់លោកអ្នកបានដែរ ជាពិសេសវាអាចបង្កឱ្យឈឺក្រពះបានយ៉ាងងាយ ដូចជា ឈឺចុកឆ្អល់ ហើមពោះ ពិបាករំលាយអាហារ ឬ មានជាតិហ្គាសក្នុងក្រពះកើនឡើង ជាដើម ។ តើលោកអ្នកធ្លាប់ប្រឈមនឹងអាការអស់ទាំងនេះដែរឬទេ ?...

អត្ថបទក្រុមហ៊ុន3 days ago

MV បទ​ថ្មី «​នឹក​កាល​នៅ​ក្មេង​» របស់ ឡុង លីង​គ​ង្គ នាំ​អារម្មណ៍​គ្រប់គ្នា​ទៅកាន់​វ័យ​កុមារភាព​ដ៏​ស្រស់ស្អាត​

តារាចម្រៀង​វ័យក្មេង ឡុង លីង​គ​ង្គ បើទោះបី​ជាមាន​វ័យក្មេង​ខ្ចី​តែមាន​សមត្ថភាព​ច្រៀង មិនធម្មតា​កំពុង​ជ្រក​កោន​ទ្រនំ​ដ៏​ធំ​គឺ​ផលិតកម្ម​រស្មី​ហង្ស​មាស​។ លីង​គ​ង្គ នៅតែ​រក្សាបាន​កេរ្តិ៍ឈ្មោះ និង​ប្រជាប្រិយ​ភាពជា​តារាចម្រៀង​កុមារ​ដែលមាន​ទីផ្សារ​ខ្ពស់​ដដែល ដោយ​គេ​សង្កេតឃើញថា ប្អូន​មាន​វត្តមាន ក្នុង​កម្មវិធី​ប្រគំ​តន្ត្រី និង​ចេញ​បទ​ចម្រៀង​ថ្មីៗ ជា​ហូរហែ ។ យ៉ាងណាមិញ លីង​គ​ង្គ ក៏​ទើបបាន​បញ្ចេញ​បទ​ចម្រៀង​ថ្មី​មួយ​បទ​កាលពី​យប់មិញ​នេះ​គឺ​បទ «​នឹក​កាល​នៅ​ក្មេង​» ដើម្បី​វាយលុក​លើ​ទីផ្សារ​ចម្រៀង​បន្តទៀត​។ ​តារាចម្រៀង​ដែល​ប្រសូត្រ​ចេញពី​កម្មវិធី...

អត្ថបទក្រុមហ៊ុន4 days ago

តិច​តុ​ក (TikTok) សហការ​ជាមួយ​ក្រុមហ៊ុន​ម៉ាក​យីហោ​ល្បី ​និង​អ្នក​ច្នៃ​ម៉ូត​ដ៏​ប្រណីត​ក្នុង​យុទ្ធនាការ #TikTokFashionMonth

​រាជធានី​ភ្នំពេញ ថ្ងៃទី ១៤ ខែកញ្ញា​ឆ្នាំ ២០២០៖ TikTok ដែលជា​កម្មវិធី​ទម្រង់​វីដេអូ​ខ្លី​ឈានមុខ​គេ ដែល​បច្ចុប្បន្នកំពុង​ពេញនិយម​ប្រើប្រាស់​សម្រាប់​អ្នក​បង្ហាញ​ម៉ូត និង​អ្នក​ច្នៃ​ម៉ូត​នានា​ក្នុងការ​សហការ​បង្កើត​វីដេអូ​ថ្មីៗ​ដែលមាន​ឈ្មោះថា​យុទ្ធនាការ #TikTokFashionMonth​។​ ​ឆ្លុះបញ្ចាំង​ពី​កេរ្តិ៍ឈ្មោះ​របស់ TikTok ដែលជា​កន្លែង​សម្រាប់​បញ្ចេញ​នូវ​ការច្នៃ​បង្កើត​ថ្មី​និក​ម្សា​ន្ត និង ភាព​ច្នៃប្រឌិត​និង​រចនា​បែប​ទាន់សម័យ បានចាប់ផ្តើម​ជា​ដំណាក់កាលៗ​នៃ​ការ​រ​បង្កើត​នូវ​កម្មវិធី ដើម្បី​ជម្រុញ​សហគមន៍ TikTok​ឲ្យ​មាន​ប្រជាប្រិយភាព និង​កំពុងមាន​ភាព​ពេញនិយម​នៅ​កម្ពុជា​។​ #Fashion101...

អត្ថបទក្រុមហ៊ុន5 days ago

តោះ! ​មក​មើល​សកម្មភាព​បើកបរ​សាកល្បង​រថយន្ត Ford Ecosport នៅលើ​ទីលាន​បើកបរ​យានយន្តយ៉ាម៉ា​ម៉ូតូ​ទាំងអស់គ្នា​ (វីដេអូ)

​កាលពី​ថ្ងៃទី ១២ ខែកញ្ញា ឆ្នាំ​ ២០២០ ក្រុមហ៊ុន អ អិ​ម អេ ខេ​ម​បូ​ឌា ដែលជា​ក្រុមហ៊ុន​នាំចូល និង ​ចែកចាយ​ផ្ដាច់មុខ​នូវ​រថយន្ត Ford គ្រប់​ប្រភេទ​ក្នុង​ទីផ្សារ​ប្រទេស​កម្ពុជា​បានរៀបចំ​កម្មវិធី​បើកបរ​សាកល្បង​រថយន្ត Ford Ecosport នៅ​ទីលាន​បើកបរ​យានយន្ត យ៉ាម៉ា​ម៉ូតូ ដែល​ស្ថិតក្នុង​តំបន់​អភិវឌ្ឍ​ន៍ក​សិ​ទេសចរណ៍...

អត្ថបទក្រុមហ៊ុន2 weeks ago

រីករាយ​ភ្ជុំបិណ្ឌ មិនអាច​ខ្វះ​ម្ហូប​ឆ្ងាញ់ ៣ ​មុខ​នេះ​បានទេ ពិសេស​សម្រាប់​ទៅ​វត្ត និង​ ញ៉ាំ​ជួបជុំ​គ្រួសារ​ (វីដេអូ)

ពិធីបុណ្យ​ភ្ជុំបិណ្ឌ​មិន​ត្រឹមតែ ជា​រដូវ​ត្រូវ​ទៅ​វត្ត​ធ្វើបុណ្យ​ប៉ុណ្ណោះ​ទេ នេះ​ក៏​ជា​ឱកាស​ជួបជុំ​គ្រួសារ​ដ៏​សប្បាយរីករាយ​មួយ​ដែរ ពិសេស​គឺ​សម្រាប់​អ្នក​ដែលមាន​ញាតិមិត្ត ឬ សមាជិកគ្រួសារ​រស់នៅ​ឆ្ងាយ​ពីគ្នា ហើយ​មិនសូវ​បាន​ជួប​មុខ​គ្នា ។ ​តាម​ជំនឿ​ប្រពៃណី​ទំនៀមទម្លាប់​ខ្មែរ​យើង​ពី​បរម​បុរាណ​មក ការធ្វើ​ម្ហូប​ឆ្ងាញ់ៗ ចែក​ញាតិមិត្ត​បងប្អូន​ញ៉ាំជុំគ្នា យកទៅ​វត្ត​ប្រគេន​ព្រះសង្ឃ និង​ដើម្បី​ឧ​ទិ្ទ​ស​កុសល​ដល់​ជីដូន​ជីតា​ទាំង ៧​សណ្តាន​ដែល​បាន​ចែក​ឋាន​ទៅ នឹង​ទទួល​នូវបាន​ពរជ័យ ដែល​ធ្វើ​ឲ្យ​ជីវិត​យើង​ជួយ​តែ​ក្តី​សុខ ចម្រើន រកស៊ី​មានបាន​។​ ​ដូច្នេះ​ការធ្វើ​ម្ហូប​ឲ្យ​មាន​រសជាតិ​ឆ្ងាញ់​ពិសារ គឺ​ពិតជា​សំខាន់...

អត្ថបទក្រុមហ៊ុន2 weeks ago

តោះ! មកស្គាល់អ្នកឈ្នះរង្វាន់ Honda Scoopy I 2020 ប្រចាំឆ្នាំទាំង ៥ រូបពីធីផត ដែលកញ្ញា រ៉េត ស៊ូហ្សាណា ចាប់ត្រូវ!

ភ្នំពេញ៖ ធីផត បានរៀបចំកម្មវិធីចាប់រង្វាន់ធំ «កម្មវិធី ធីផត! លក់ដាច់លេខ១ ទទួលបានភ្លាម និង ឧកាសឈ្នះកាន់តែធំ» ប្រចាំឆ្នាំជូនអតិថិជនរបស់ខ្លួនទូទាំងប្រទេស នៅផ្សារទំនើបអ៊ីអនសែនសុខ កាលពីថ្ងៃទី ០៩ ខែកញ្ញា ឆ្នាំ ២០២០ កន្លងទៅនេះ ដោយមានការចូលរួមពីតារាកិត្តិយសជាតារាចំរៀងល្បីវ័យក្មេងប្រចាំប្រទេសកម្ពុជាគឺ កញ្ញា រ៉េត...

អត្ថបទក្រុមហ៊ុន2 weeks ago

ចេញហើយក្តៅៗ! MV «ជូនម៉ែ ១ លានខែភ្ជុំ» បទកំពុងល្បីពីកំពូលតារាចម្រៀង ខេមរៈ សិរីមន្ត ពីរោះណាស់! (វីដេអូ)

ត្រឹមប៉ុន្មានថ្ងៃបន្ទាប់ពីចេញបទ «ជូនម៉ែ ១ លានខែភ្ជុំ» ពីកំពូលតារាចម្រៀងប្រចាំប្រទេសកម្ពុជា លោក ខេមរៈ សិរីមន្ត ពិតជាទទួលបានការគាំទ្រមិនធម្មតា ទៅដល់ទីណាក៏ឮ ។ ជាពិសេសបទនេះត្រូវបានចែករំលែកក្នុងបណ្តាញសង្គមយ៉ាងច្រើនហូរហែ មិនតែប៉ុណ្ណោះក៏ត្រូវបានអ្នកគាំទ្រយកច្រៀងត្រាប់តាមក្នុងកម្មវិធី TikTok ច្រើនថែមទៀតផង ។ ជាក់ស្តែងត្រឹមតែមួយសប្តាហ៍បទ «ជូនម៉ែ ១ លានខែភ្ជុំ»...