Connect with us

អត្ថបទក្រុមហ៊ុន

ខ្សែវីដេអូអប់រំ ដែលទស្សនាហើយធ្វើឱ្យមានអារម្មណ៍នឹកផ្ទះខ្លាំង ពេលជិតចូលឆ្នាំថ្មី ! (វីដេអូ)

on

Advertisement

កាលពី​ម្សិលមិញ មាន​វីដេអូ​ខ្លី បែប​អប់រំ​មួយ​ដែល​បាន​បង្ហោះ​នៅលើ Page ផ្លូវការ​របស់​ក្រុមហ៊ុនទូរស័ព្ទ​មួយ ក្នុងប្រទេស​កម្ពុជាដែល​ត្រូវបាន​គេ​ចែកចាយ (Shared) និង (View) យ៉ាងច្រើន​កុះករ​ត្រឹមតែ​រយៈពេល​មួយថ្ងៃ​ប៉ុណ្ណោះ ​! ស្របពេល​ជាមួយគ្នា​នោះដែរ ក៏មាន​ក្រុម​យុវវ័យ​ខ្លះ​បាននាំគ្នា​ចែកចាយ​បន្ត​គ្នា​នូវ​វីដេអូ​ខ្លី​នេះ ​ដើម្បី​បង្ហាញ​ពី​អារម្មណ៍​ពិត​របស់​ពួកគេ​ទៅលើ​ស្ថានភាព​ពិតប្រាកដ​ដែល​ពួកគេ​បាន​ជួបប្រទះ​នាពេល​កន្លងមក​ដូច្នោះ​ដែរ ។

​យើងខ្ញុំ​ក៏បាន​ទស្សនា​វីដេអូ​ខ្លី​នោះដែរ ឃើញថា​វា​មាន​អត្ថន័យ​អប់រំ​ល្អប្រសើរ​មែន ចំពោះ​អ្នក​ដែល​បាន​ចាក​ចេញពី​ស្រុកកំណើត មក​ធ្វើការ​នៅ​រាជធានី​ភ្នំពេញ ដោយពេល​ខ្លះ ពួកគេ​សឹងតែ​គ្មាន​ពេល​ទៅលេង​ស្រុកកំណើត​របស់​ពួកគេ​ឡើយ ​! សំណួរ​សួរថា​ហេតុអ្វី​បានជា​យើង​ម្នាក់ៗ​តែងតែ​នឹក​ផ្ទះ​ពេល​ជិត​ចូលឆ្នាំថ្មី​ម្តងៗ​ ? ជាការ​ពិតណាស់ សម្រាប់​អ្នក​ដែល​ចាក​ចេញពី​ស្រុកកំណើតមក​ធ្វើ​ការងារ ឬ ប្រកបមុខរបរ​ផ្សេងៗ​នៅ​ទីក្រុង ភាគច្រើន​បាន​ចំណាយពេល​សឹងតែ​មួយឆ្នាំ​ជាមួយ​ការងារ និង ក្រុមការងារ ដោយ​ពួកគេ​បាន​ឃ្លាតឆ្ងាយ​ពី​ឳ​ពុក​ម្តាយ ឃ្លាតឆ្ងាយ​ពី​បងប្អូន ឃ្លាតឆ្ងាយ​ពី​អ្នកភូមិផង​របង​ជាមួយ​របស់​ពួកគេ ដើម្បី​តម្រូវការ​ជីវភាព និង ពង្រីក​ជំនាញ ព្រមទាំងចំណេះដឹង​របស់​ពួកគេ​បន្ថែមទៀត រហូតដល់​ពេលខ្លះ​ពួកគេ​ភ្លេច​ថា​មាន​អ្នកផ្ទះ ភ្លេច​ទៅផ្ទះ​ជួបជុំ​គ្រួសារ​ក៏មានដែរ​ ។

ជាការ​ពិតណាស់​ចូលឆ្នាំថ្មី​ប្រពៃណី​ជាតិខ្មែរ គឺជា​ពិធី​ជួបជុំ​ដ៏​ធំ​មួយ​សម្រាប់​ប្រជាពលរដ្ឋ​ខ្មែរ ដូច្នេះ​វីដេអូ​នេះ គឺជា​ការ​ជំរុញដល់​មនុស្ស​គ្រប់គ្នា ត្រូវតែ​ឆ្លៀត​ពេលវេលា​ដើម្បី​ទៅផ្ទះ​នៅឯ​ស្រុកកំណើត ដើម្បី​ជួប​មុខ​អ្នកមានគុណ ដែលជា​ព្រះ​រស់​របស់​យើងទាំងអស់គ្នា បរិភោគ​អាហារ​ឆ្ងាញ់ៗ​រួមគ្នា ដែល​វា​គឺជា​រឿង​ដ៏​សំខាន់បំផុត​មិនអាច​រំលង​បាន ​។

សារ​អប់រំ​ដ៏​មាន​សារសំខាន់​មួយទៀត ដែល​ធ្វើ​ឱ្យកក្រើក​ខ្លាំង​ក្នុង​វីដេអូ​ខ្លី​នេះ គឺ​ពាក្យ​មួយ​ឃ្លា​ដែល​សរសរ​ខាងក្រោម Screen ទូរស័ព្ទ F11 Pro ថា​ «​ទោះបីជា​មានរឿង​អ្វី​ក៏ដោយ ផ្ទះ​គឺជា​កំពង់ផែ​ដែល​រង់ចាំ​អ្នកជា​និច្ច​» ​ដែល​ពាក្យ​មួយ​ឃ្លា​នេះ ហាក់បីដូចជា​សារ​ដាស់តឿន​ដល់​មនុស្ស​គ្រប់គ្នា​ទាំងអស់ មិន​ថា​អ្នក​បាន​ជួប​ហេតុការណ៍​អាក្រក់​ប៉ុនណា បាក់​ទឹកចិត្ត​កម្រិត​ណាក៏ដោយ ក៏​អ្នកផ្ទះ​របស់​អ្នក​មិនដែល​បោះបង់​អ្នក​ចោល​ទេ ពួកគេ​នឹង​នៅចាំ​លើកទឹកចិត្ត​អ្នកជា​និច្ច នៅឯ​ស្រុកកំណើត​របស់​អ្នក ហើយ​មិន​ថា​មានរឿង​អ្វី​កើតឡើង​ទេ ផ្ទះ​របស់​អ្នក ប្រៀបដូចជា​កំពង់ផែ ដែល​ឈប់​នឹងថ្កល់​រង់ចាំ​ទទួល​អ្នក​ដោយ​ក្តី​រីករាយ​បំផុត ដែល​ទាំងអស់នេះ​ក៏​ជាការ​ដាស់តឿន​មួយ​ដែរ​សម្រាប់​រំឭក​ដល់​យុវវ័យ​ទាំងអស់​ដែល​ភាគច្រើន​ពួកគេ​តែងតែ​គិត​ខ្លី បោះបង់​នូវ​ការតស៊ូ​ខ្លួនឯង​ដើម្បី​អ្នកផ្ទះ​រួច​ជ្រើសរើស​វិធី​សម្លាប់ខ្លួន​ដើម្បី​ដោះស្រាយ​បញ្ហា​តាម​មធ្យោបាយ​ផ្សេងៗ ព្រោះតែ​សម្ពាធ​ការងារ សម្ពាធ​នៃ​ការសិក្សា ឬ បញ្ហា​ស្នេហា​ក្តី មិនមែនជា​រឿង​ត្រឹមត្រូវ​នោះទេ​ ។

​ប្រសិនបើ​លោកអ្នក​ចង់ដឹង​ច្បាស់​ពី​អត្ថន័យ​ក្នុង​វីដេអូ​ខ្លី​បែប​អប់រំ​មួយ​នេះ​ សូម​លោកអ្នក​ចូលទៅ​កាន់ ​Link ​ដូចខាងក្រោម ​៖

អត្ថបទពេញនិយម

តារាចម្រៀងប្រុសថៃរូបសង្ហាម្នាក់ ត្រូវគេបំពានផ្លូវភេទលើឆាក ក្នុងរូបភាពបែបធ្វើឱរ៉ាល់សិច (វីដេអូ)
កប់សារី ! គ្រាន់តែស្បែកជើងពាក់លេងរបស់ គង់ ច័ន្ទស្រីមុំ មួយគូៗតម្លៃខ្ទង់ពាន់ដុល្លារ
ប្រាប់តៗគ្នាផង ! ក្រោយ​ចូលឆ្នាំ​ ​ពេលទៅចាក់សាំងហាមភ្ញាក់រឿងតម្លៃឱ្យសោះ
ក្រសួងអប់រំ ប្រកាសចំណុចសំខាន់ៗជាង ១០ ឱ្យសិស្សការពារខ្លួន ពេលអាកាសធាតុក្តៅខ្លាំង !

មតិរបស់អ្នក

Sponsored
Sponsored