កក់កន្លែងគេងប្រិបៗទៅ! នៅសៀមរាប រៀបចំតុបតែងចេញស្អាតបណ្ដើរៗហើយ សម្រាប់បុណ្យអុំទូក

ក្រុមការងារដ្ឋបាលខេត្ត​ និងក្រុមការងារសហភាពសហព័ន្ធយុវជនកម្ពុជា​ ខេត្តសៀមរាប បាននឹងកំពុងរៀបចំសោភ័ណស្ទឹងសៀមរាប​ ក៏ដូចជាក្រុងសៀមរាប​ ដើម្បីត្រៀមទទួលបងប្អូនប្រជាពលរដ្ឋមកលេងកម្សាន្ត នាឱកាសព្រះរាជពិធីបុណ្យអុំទូក​ បណ្តែតប្រទីប​ និងសំពះព្រះខែ​ អកអំបុក ដែលនឹងប្រព្រឹត្តទៅរយៈពេល​ ៤ ថ្ងៃ​ ចាប់ពីថ្ងៃទី ២៥​ ដល់ថ្ងៃទី ២៨​ ខែវិច្ឆិកា​ ឆ្នាំ ២០២៣ នៅតាមបណ្តោយស្ទឹងសៀមរាប ចាប់ពីស្ពានអតីតមន្ទីរទេសចរណ៍ រហូតដល់ស្ពានអាងក្រពើ។

ក្នុងឱកាសព្រះរាជពិធីបុណ្យអុំទូកខាងមុខនេះផងដែរ លើទឹកដីខេត្តសៀមរាប មានរៀបចំកម្មវិធីជាច្រើនដូចជា​ ពិធីប្រណាំងទូក​ ប្រកួតទូកមិត្តភាព​ ដាល់អំបុក​ បណ្តែតប្រទីប​ ប្រដាល់គុនខ្មែរអន្តរជាតិ​ ប្រគុំតន្ត្រី​ ជិះទូកលេង​ ផ្សារបណ្តែតទឹក​ ពិធីពិរព័ណ៍ម្ហូបអាហារ​ កម្មវិធីលេងល្បែងកម្សាន្ត កញ្ញាធ្លាក់ទឹក ប្រដាល់ធ្លាក់ទឹក ដើរខ្សែពួរ និងជិះកង់លើក្តារ​ និងកម្មវិធីផ្សេងៗទៀត។

អាស្រ័យហេតុនេះ សូមបងប្អូនអញ្ជើញចូលរួមទស្សនា​ និងទៅលេងកម្សាន្តឱ្យបានច្រើនកុះករ៕

សូមទស្សនាទិដ្ឋភាពរៀបចំ សម្រាប់ត្រៀមពិធីបុណ្យអុំទូកលើទឹកដីខេត្តសៀមរាបដូចខាងក្រោម ៖

ប្រភព និងរូបភាព៖ រដ្ឋបាលខេត្តសៀមរាប