ឧកញ៉ា សៀង ណាំ សម្ដែងក្ដីសោកស្ដាយខ្លាំង ចំពោះករណីក្រពើខាំម្ចាស់កសិដ្ឋានស្ល-ា.-ប់ នៅសៀមរាប

​នៅព្រឹកថ្ងៃទី ២៦ ខែឧសភា ឆ្នាំ ២០២៣ មហាជនអ្នកប្រើប្រាស់បណ្ដាញសង្គម បាននាំគ្នាសម្ដែងការភ្ញាក់ផ្អើល និង ចូលរួមរំលែកទុក្ខគ្រួសារសព ដែលជនរងគ្រោះមានឈ្មោះ លួន ណាំ ភេទប្រុស អាយុ ៧២ ឆ្នាំ រស់នៅភូមិ ពោធិ៍បន្ទាយជ័យ សង្កាត់សៀមរាប បានដើរធ្លាក់ចូលក្នុងអាងក្រពើបណ្តាលឱ្យខាំរហូតបាត់បង់ជីវិត នៅអាងចិញ្ចឹមក្រពើផ្ទាល់តែម្ដង ស្ថិតនៅភូមិពោធិ៍បន្ទាយជ័យ សង្កាត់សៀមរាប ក្រុងសៀមរាប។

ក្រោយបានជ្រាបករណីនេះ នៅថ្ងៃទី ២៦ ខែឧសភា ឆ្នាំ ២០២៣ តាមរយៈផេក ឧកញ៉ា សៀង ណាំ បានសម្ដែងការសោកស្ដាយ ចូលរួមរំលែកទុក្ខ និង បញ្ជាក់នៅលើផេកលោកថា ៖ «ព្រឹកនេះខ្ញុំបាទបានឮដំណឹងដ៏រន្ធត់មួយថា បង លួន ណាំ ម្ចាស់កសិដ្ឋានចិញ្ចឹមក្រពើ នៅភូមិពោធិបន្ទាយជ័យ សង្កាត់សៀមរាប ក្រុងសៀមរាប បានរអិលជើងធ្លាក់ចូលក្នុងអាងក្រពើ ក៏ត្រូវបានសត្វក្រពើខាំស្លាប់យ៉ាងអាណោចអាធម្មនៅព្រឹកថ្ងៃទី ២៦ ខែឧសភា ឆ្នាំ ២០២៣ វេលាម៉ោង ៥ កន្លះ ព្រឹកក្នុងជន្មាយុ ៧២ ឆ្នាំ ខ្ញុំបាទមានការសោកស្តាយយ៉ាងខ្លាំង និង សូមចូលរួមរំលែកទុក្ខជាមួយក្រុមគ្រួសារនៃសព សូមវិញ្ញាណក្ខន្ធបង លួន ណាំ ទៅកាន់សុគតិភព»៕