អ៊ឹះ! ផ្នែកខ្លះនៃស្រុកកណ្ដៀង ខេត្តពោធិ៍សាត់ បានដាច់ចរន្តអគ្គិសនីប្រើប្រាស់ ព្រោះតុកកែមួយក្បាល

នៅថ្ងៃទី ២៨ ខែមីនា ឆ្នាំ ២០២៣ នេះ មានករណីដាច់ចរន្តអគ្គិសនីនៅផ្នែកខ្លះនៃស្រុកកណ្ដៀង ខេត្តពោធិ៍សាត់ ដោយសារតែឆក់សត្វតុកកែមួយក្បាល។

យោងតាមហ្វេសប៊ុកផេក Fast News បានបង្ហោះសារឱ្យដឹងថា នៅផ្នែកខ្លះនៃស្រុកកណ្ដៀង ខេត្តពោធិ៍សាត់ បានដាច់ចរន្តអគ្គិសនី ដោយសារតែមានការឆក់សត្វតុកកែ នៅលើខ្សែបណ្ដាញ MV ស្ថិតនៅក្នុងភូមិព្រីងខ្ពស់ ឃុំស្រែស្តុក ស្រុកកណ្ដៀង ខេត្តពោធិ៍សាត់។

យ៉ាងណាមិញ ពាក់ព័ន្ធនឹងការដាច់អគ្គិសនីនេះ ក្រុមការងាររបស់អគ្គិសនីខេត្តបាត់ដំបង បានត្រួតពិនិត្យរួចរាល់ និង បានភ្ជាប់ចរន្តជូនអតិថិជនប្រើប្រាស់រួចរាល់ហើយ៕

ប្រភព និង រូបភាពដោយ ៖ Fast News