មិនបាច់ទៅឆ្ងាយ! មកស្គាល់កន្លែងលម្ហែធម្មជាតិ ក្បែរអ៊ីអន ៣ ត្រូវម៉ាច់អ្នកចូលចិត្តភាពស្ងប់ស្ងាត់

រៀងរាល់ថ្ងៃចុងសប្ដាហ៍ ក៏ដូចជាថ្ងៃឈប់សម្រាកពីការងារ ប្រិយមិត្តមួយចំនួនប្រាកដជាមានអារម្មណ៍ថាខ្ជិលក្នុងការធ្វើដំណើរផ្លូវឆ្ងាយដើម្បីទៅលម្ហែកាយ ដោយចង់តែទៅកម្សាន្តកន្លែងទេសចរណ៍ទាំងឡាយណាដែលនៅជិតៗក្រុង និង មានបរិយាកាសស្រស់ស្រាយបែបធម្មជាតិ កាត់បន្ថយសម្ពាធការងាររបស់ខ្លួនមិនខាន។

ថ្ងៃនេះ «ប្រជាប្រិយ» សូមលើកយកនូវទីតាំងលម្ហែកម្សាន្តថ្មីមួយ ដែលមានទីតាំងនៅជិតរាជធានីភ្នំពេញ ងាយស្រួលក្នុងការធ្វើដំណើរទៅកម្សាន្តនៅថ្ងៃសម្រាកណាមួយ ដែលនៅទីនោះមានឈ្មោះថា «ជ្រុងបៃតង-Chrong Baitong»។

ស្ថិតនៅក្នុងខណ្ឌដង្កោ ជិត Aoen 3 ផ្លូវ 60 m ក្នុងភូមិសាស្ត្ររាជធានីភ្នំពេញ «ជ្រុងបៃតង-Chrong Baitong» ជាទីលម្ហែជិតមាត់ទឹកដែលមានបរិយាកាសស្រស់ស្រាយ ចាំទទួលអ្នកទៅលេងកម្សាន្តនៅទីនោះចាប់ពីម៉ោង ៧ ព្រឹក ដល់ម៉ោង ៧ យប់ និង មានបម្រើជូនសេវាកម្មអាហារ និងភេសជ្ជៈនៅទីនោះស្រាប់តែម្ដង។

មិនតែប៉ុណ្ណោះ ទៅតាំងកម្សាន្តដ៏ស្រស់ត្រកាលខាងលើ មានទីធ្លាធំទូលាយសម្រាប់ក្មេងៗរត់លេង និង ចំណតរថយន្តធំទូលាយងាយស្រួលចតផងដែរ៕

រូបភាព ៖ ជ្រុងបៃតង-Chrong Baitong