ស្មានតែមានក្នុងរឿង! ខំដាក់ចិត្តស្រឡាញ់ស្មើកែវភ្នែក ចុះឡើងសង្សារមករៀបការនឹងបងស្រីបង្កើតទៅវិញ

ថ្មីៗនេះ វីដេអូរំជួលចិត្តមួយត្រូវបានគេចែករំលែកពេញប្រព័ន្ធផ្សព្វផ្សាយ Tiktok ក្រោយយុវតីម្នាក់ ត្រូវឈរសម្លឹងមើលគូសង្សាររៀបការជាមួយបងស្រីទាំងទឹកមុខបង្កប់ភាពឈឺចាប់ជាមួយសារយ៉ាងចាក់ដោត។

យុវតីឥណ្ឌូនេស៊ីរូបនោះបានរៀបរាប់ថា ៖ «មានរឿងភ្ញាក់ផ្អើលតាំងពីដើមឆ្នាំ ២០២៣ តែម្ដង សង្សារខ្ញុំក្លាយជាស្វាមីបងស្រីរបស់ខ្ញុំ ខ្ញុំជឿរឿងជោគជតាណា តែខ្ញុំមិនគិតថាវាកើតឡើងឆាប់រហ័សបែបនេះ ខ្ញុំមិនខឹង មិនស្អប់អ្វីទេ តែពេលឃើញពួកគេនៅជាមួយគ្នាខ្ញុំចង់តែស្រែកខ្លាំងៗចេញមក ខ្ញុំមិនទាន់ធ្វើចិត្តបានទេ ខ្ញុំមិនទាន់រឹងមាំនឹងទទួលការពិតនេះទេ»។

យុវតីរូបនេះបន្ថែមថា គ្រួសារនាងក៏បានដឹងរឿងដែលនាង និង បុរសរូបនោះទាក់ទងគ្នាដែរ តែពួកគេមិនបានខ្វល់នោះដែរ ហើយក៏មិនបានលួងលោមនាងដែរ ផ្ទុយទៅវិញពួកគេបែរជាបង្ខំឱ្យនាងចូលរួម ដើម្បីជួយជាសាក្សីដល់គូស្វាមីភរិយាថ្មីថ្មោងនេះទៀត ពួកគេមិនបានខ្វល់ពីអារម្មណ៍ខ្ញុំឡើយ។

ក្រោយឃើញវីដេអូនេះ មហាជនជាច្រើនក៏បានចូលរួមបញ្ចេញដោយខ្លះបានលើកទឹកចិត្តនាង ហើយសង្ឃឹមថានាងនឹងប្រសើរឡើងឆាប់ៗ ខ្លះទៀតក៏លើកឡើងថាដូចជានៅក្នុងរឿងប្រលោមលោកអ៊ីចឹង៕